Johan 19:34 - সান্তালী বাইবেল

³⁴ Menkhan mitʼṭen palṭon do borlomte uniyakʼ kokhareye sobokʼkedea ar onḍe khon mãyãm ar dakʼ oḍokena.

Santali Common Language New Testament

³⁴ Menkhan mitʼṭen palṭon do borlomte uniakʼ kokhareye sobokʼkedea ar onḍe khon mãyãm ar dakʼ oḍokena.

Johan 19:34 Iomraidhean Croise

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Mathae 27:62

Ado dosar hilokʼ, metakʼme sapṛaokʼ din tayom hilokʼ maraṅ naeke ar Phạrusiko do Pilạt ṭhen senkateko menkeda,

Johan 19:33

Ar Jisu ṭhenko hecʼen khan gocʼ hataṛ akanko ńelkedete uniyakʼ jaṅga do bako rạputʼletʼtaea.

Johan 20:20

Ar noa menkate uni do acʼakʼ banar ti ar kokhae udukʼatʼkoa. Ar Probhu Isorko ńelkede khan celako do ạḍitetʼko rạskạyena.

Aposkạmi 22:16

Am do ńitokʼ cedakʼem bilomeda? Ma beredokʼte bạptis ocokʼme ar uniyakʼ ńutum dohayakʼme ar amakʼ joto kạiko ạrupʼ saphaetam.’

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Ephesiko lạgitʼ Pạul Apostolakʼ ciṭhi 5:26

Mạsiyakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭecʼ ṭhonokanakʼ manḍerre samaṅ daṛeakʼ. Unre manḍerre bin dagan, se bin digdhạ se onkan jãhãnakʼge baṅ tahena, bickom ona do sonot ar niphuṭge hoyokʼa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Ibriko 9:13

Okoeko bhõnḍ akan tahẽkan onko cetanre merom ar ḍaṅgrawakʼ mãyãm se pheṭãṛ atar akade reakʼ torocʼko chiṭiạu akokan tahẽkana; onate onkoakʼ do eken bahre hoṛmo saphakʼkan tahẽkana.

Ibriko 9:22

Moseyakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

1 Johan 5:6

Nui kangeae Jisu Mạsi, one okoe do dakʼ ar mãyãm hoteteye hecʼlen. Eken dakʼ hotete do baṅ, bickom dakʼ ar mãyãm hoteteye hecʼlena. Sonot Jiu do noa reaṅ gohae emeda, ente uni do acʼgeye sạriyakʼtetʼ kana.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.