Johan 19:17 - সান্তালী বাইবেল

¹⁷ Ar Jisu do acʼakʼ kurus gokʼkate khạpriko metakʼ mitʼṭecʼ jaegateye senena. Ona jaega reakʼ ńutum do Ibrite Golgothako metakʼkan tahẽkana.

Santali Common Language New Testament

¹⁷ Ar Jisu do acʼakʼ krus gokʼkate khạpriko metakʼ mitʼṭen jaegateye senena. Ona jaega reakʼ ńutum do Ibrite Golgothako metakʼkan tahẽkana.

Johan 19:17 Iomraidhean Croise

Genesis 22:6

Noa menkate Abraham do jeredokʼ samaṅokʼakʼ lạgitʼ sahan bojha do acʼren hopone gokʼadea ar acʼ do seṅgel ar chorae hataokeda. Ar ona tayom do mitʼte taṛamkin ehopʼena.

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

Levitikus 24:14

“Sarapicʼ uni hoṛ do ḍera bahrete idiyepe. Ar okoe ona sarap emokʼko ańjomakade onko joto hoṛ do uniyakʼ bohokʼ cetanre tiko dohoytakoma, ar ona tayom Israelko do dhirite uniko tiń gojema.

Mathae 10:38

Okoe acʼakʼ kurus gokʼkate bae pańjayiń uni hõ ińre lek doe baṅkana.

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Mathae 27:37

Onko do Jisuakʼ bohokʼ cetanre noa dos olakʼko bạisạukeda, “Nui do Jisu, Jihudikoren raj.”

Mark 10:21

Jisu do uniye beṅgetʼadea ar dulạṛ salakʼe metadea, “Mitʼṭecʼ jinis dom bạki oṭo akawada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mark 15:26

Ar uni upạrte dusi reakʼ (dos-nama) re ol tahẽkana, “Jihudikoren raj.”

Mark 15:32

Uni do Mạsi, Israelkoren raj! Ńitokʼ kurus khone pheḍ hijukʼma; jemon ona ńelte ale hõle pạtiạukʼ.” Jisu sãote kurus akankin hõ onkage kin siṛogadea.

Mark 8:34

Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe menetʼ khan uni do acʼakʼ sana leka aloe calakʼma; bickom acʼakʼ kurus gokʼkateye pańjayiń ma.

Luk 14:27

Okoe acʼakʼ kurus gokʼkate iń tayomte bae hijukʼ, uni hõ ińren cela do ohoe hoydaṛelena.

Luk 23:26

Ado Jisuko idiyedekan tahẽkanre Kureniren Simon ńutuman mitʼ hoṛ do ato secʼ khone oḍok hijukʼkan tahẽkana. Unre palṭonko do uniko sapʼpaṭetʼkedete tarenre kurusko ladeadea jemon Jisu tayomte onae gokʼ idi daṛeakʼ.

Luk 23:33

Ado khạpriko metakʼ jaegako seṭeren khan Jisu ar unkin banar dusi hoṛ hõko kurusketʼ kinạ, mitʼ hoṛ do Jisuakʼ jojomti secʼre ar eṭagicʼ do uniyakʼ leṅgati secʼre.

Luk 23:38

Ar uniyakʼ bohokʼ coṭre mitʼṭecʼ olakʼ tahẽkana, “Nui do Jihudikoren raj.”

Luk 9:23

Ona tayom sanamkoe metatʼkoa, “Jãhãege ińakʼ horte hijukʼe menetʼ khan uni do acʼakʼ kusileka aloe calakʼma; ar dinạmge acʼakʼ kurus gokʼkate ińe pańjańma.

Johan 19:13

Noa katha ańjomkate Pilạt do Jisu bahreteye ạgukedea ar dhirite tolakʼ mitʼṭecʼ bicạr jaegareye duṛupʼena. Ibrite ona jaega do Gabbathako metakʼkan tahẽkana.

Johan 5:2

Jerusalemre bhiḍi-phaṭokʼ ṭhen mitʼṭecʼ pukhri menakʼa; onḍe do mõṛẽ goṭecʼ umul akatʼ jaega menakʼa. Ibri pạrsite ona pukhri reakʼ ńutum do Bethsaedako metakʼkana.

Aposkạmi 7:58

Onko do dhirite tińe lạgitʼ nagraha bahreteko or oḍokkedea, ar gohako do akoakʼ kicricʼ totʼkate Sạul ńutuman mitʼṭen juạn hoṛakʼ jaṅga ṭhenko dohokeda.