Johan 19:11 - সান্তালী বাইবেল

¹¹ Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniyakʼ kại do ḍhergetaea.”

Santali Common Language New Testament

¹¹ Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniakʼ kại do ḍhergetaea.”

Johan 19:11 Iomraidhean Croise

1 Bõsbudạ 29:11

E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.

Sereńko 39:9

Iń do thir hapege minạńa, moca do ar bạń cahabtińạ, ente amge noako dom hoyocoakada.

Sereńko 62:11

Sanamakʼ daṛe do Isorakʼ tirege noa katha uni do aema dhaoe roṛakada, ar ińhõ ona do aema dhaogeń ańjomakada.

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Daniel 5:21

Uni do manwa tala khone laga ńir ocoyente mitʼṭecʼ janwarakʼ sobhabe em ocoyena. Ar tinạkʼ din bae aṅgocletʼ, maraṅ Isorge manwakoakʼ rajosṭiko cetanren mạlik kanae ar uni okoeye kusiyae unige rajosṭiko cetanreye duṛupʼede kana, unạkʼ din uni do gadhako sãoteye girobas akan tahẽkana ar ḍaṅgra leka ghãskoe jometʼ tahẽkana ar coṭ reakʼ sisirdakʼteye lohodokʼ kan tahẽkana.

Mathae 26:65

Khange maraṅ naeke do acʼakʼ kicricʼe oṛecʼketʼteye menkeda “Nui do Isore henosta akawadea. Gohako reakʼ do ar cetʼ jạruṛa bona? Ńitge coṅ ape hõpe ańjomketʼ, uni do Isore henostawae kana.

Mathae 27:2

Onko do Jisu tolkateko idikedete disạm cakʼlaoyicʼ Pilạt ṭhenko soprotkedea.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Mark 14:44

Ar Jisu okoeye soprotlede uni do onko tulucʼ mitʼṭecʼ cinhại ṭhik dohoakatʼ tahẽkana. Uni doe metatʼko tahẽkana, “Okoeṭakʼ iń cokʼae, uni kangeae. Ape do unigepe sabea arpe pahra idiyea.”

Luk 22:53

Iń do mundilre dinke din ape samaṅreń tahẽkana, menkhan unre ma bacope sapʼlediń. Menkhan ńitokʼ do apeakʼ okte kangea; ar ńut reakʼ ektiạri hõ ńelokʼkana.”

Johan 18:13

Ar Hannas ṭhenko idi maṛaṅkedea, ente Hannas do ona bochorren maraṅ naeke Kaeapharen hońhartetʼe tahẽkana.

Johan 18:3

Ar maraṅ naekeko ar Phạrusiko do Jihudạ soṅgete mitʼ dol palṭon ar kạmiyạko kolketʼkoa. Unre Jihudạ do onko sãote diuhe, mosal ar khanḍa banḍawante onḍeye seṭerena.

Johan 19:10

Onate Pilạt do Jisui metadea, “Iń tulucʼ bam roṛa? Am do cetʼ bam baḍaea aṛakʼme se kurusme reakʼ ektiạri menakʼtińạ mente?”

Johan 3:27

Unre Johane roṛ ruạṛatʼkoa, “Serma khon baṅ emlen khan okoe hõ cetʼge ohoe ńam daṛelea.

Johan 7:30

Noa iạte onko hoṛ do Jisu sabeko menetʼ tahẽkana, menkhan un hạbicʼ hõ okte do baṅ hoyakantae tahẽkante okoe hõ bako joṭetʼledea.

Johan 9:41

Jisui metatʼkoa, “Kãṛãpe tahen khan honaṅ kại do oho tahẽlen tapea. Menkhan apepe meneda ńeńel kangeale ar onatege apeakʼ kại do tahen kana.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Aposkạmi 3:13

Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Romiko lạgitʼ Pạul Apostolakʼ ciṭhi 11:36

Ente jotowakʼge coṅ uni khon ar uni hotetege hijukʼkan ar sanamakʼ do uni lạgitʼ kangea. Uniyakʼge jaejug ṭhonok hoyokʼtae ma. Amen.

Romiko lạgitʼ Pạul Apostolakʼ ciṭhi 13:1

Sanamkoge disạm cakʼlaoko tabereko tahenma; ente Isor okoeye hoeocoye uni chaḍa ar okoe hõ ektiạrianicʼ do bae hoedaṛeakʼa. Isorge disạm cakʼlaokoe bahal akatʼkoa;

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Jakob 4:17

Onate bhage kạmi baḍaekate hõ okoe bae kạmi uni doe kạiyeda.