Johan 19:1 - সান্তালী বাইবেল

¹ Unre Pilạt do Jisu idiyete cạbuke reakʼe hukumatʼkoa.

Santali Common Language New Testament

¹ Unre Pilạt do Jisu idiyete cạbuke reakʼe hukumatʼkoa.

Johan 19:1 Iomraidhean Croise

Sereńko 129:3

Cacasko leka onko do ińakʼ deareko cas akada. Onko do jeleńgeko nala akada;

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Jesaea 53:5

Aboakʼ kại gunạkʼtege uni doe ghạl ocolena; aboakʼ ghạtko iạtege uni doe talga tạuạkʼ ocoyena. Okaṭakʼ sạjại hotete abore suluk hecʼakan ona sạjại do unigeye em ocoyena, ar uniyakʼ dal ur iạte abo do bon bogeyena.

Mathae 20:19

onko doko bicạrea ar gujukʼ lek kanae menteko dusi ṭarhaoea. Arko siṛogaea, arko cạbukea ar kuruskae lạgitʼ boṅgan hoṛ jạtrenkoakʼ tireko soprotea; ar pe mãhã hilokʼre uni do gocʼko khone jiwetʼ beredokʼa.”

Mathae 23:34

Ona iạte iń do nạbiko, ạkilanko, ar sostor baḍaeko ape ṭheniń koletʼkoa. Ar ape do onko modren adomko dope gocʼkoa ar adomko dope kuruskoa. Ar adomko do apeakʼ sunạgogkorepe cạbuktepe dalkoa ar mitʼ nagraha khon eṭakʼ nagrahatepe laga baṛakoa.

Luk 18:33

Ar cạbukte dalkateko gojea, ar pe mãhã hilokʼre uni doe jiwetʼ beredokʼa.”

Luk 23:16

Onate sạjại kateń aṛakʼkaea.”

Luk 23:23

Menkhan hoṛko do Jisu kuruskae lạgitʼ hohotegeko tahẽyena, ar mucạtʼre onkoakʼ hohoge sorosentakoa. Ar Pilạt do hoṛkoakʼ kathage manao lạgitʼe goṭakeda.

2 Korinthiko 11:24

Jihudiko ṭhen mõṛẽ dhao mitʼṭecʼ kom pongel iń cạbuk ocolena,

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.