Johan 18:4 - সান্তালী বাইবেল

⁴ Jisu do acʼre hoylạgidokʼkan jotowakʼ doe baḍaekan tahẽkana. Onate uni do oḍok hecʼkate onkoe metatʼkoa, “Okoepe ńam baṛayede kana?”

Santali Common Language New Testament

⁴ Jisu do acʼre hoe lạgidokʼkan jotowakʼ doe baḍaekan tahẽkana. Onate uni do oḍok hecʼkate onkoe metatʼkoa, “Okoepe ńam baṛayede kana?”

Johan 18:4 Iomraidhean Croise

1 Rapajko 18:10

Amren jiwetʼ Probhu Isor ńutumte kiriạkateń metamkana, nonkan jạtrenko se rajosṭiko bạnukʼa one okare ińren mạlik do am sendrame lạgitʼ hoṛ bae kol akatʼko. Onko jạtrenko se rajosṭire tinreko lạikeda onḍe do bạnuma unre uni do onkoe kiriạ ocoyetʼko tahẽkana, ar sạrige onko do bako sendra ńam daṛeakatʼmea.

Nehemiạ 6:11

Menkhan ińiń metadea, “Iń lekan hoṛ do cetʼ dạdạṛ lek kantińạ? Iń lekan hoṛ do cetʼ jãhãe leka mundilte bolokate jiwetʼe tahẽkokʼa? Iń do bạń calakʼa.”

Sereńko 27:3

Palṭon phạdko ińko esetʼ ạcur lińre hõ, enhõ ińakʼ mon do baṅ botorokʼtińạ; ar iń upạrte lạṛhại ehopʼlenre hõ enrehõ iń do bhorsa do tahentińgea.

Sereńko 3:6

Iń upạrte ar iń beṛhaete hajar hajar hoṛko teṅgo akana, menkhan onko do bạń botorako kana.

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Mathae 16:21

Un khonge Jisu do acʼren celako lạiyakoe ehopʼena je, acʼ do Jerusalemte calakʼ hoyokʼtaea ar murubbiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Mathae 26:2

“Baḍaegeape bar din tayom khange bańcaokʼ porob do hoyokʼa, ar Manwa Hopon do kuruskae lạgitʼko soprotea.”

Mathae 26:21

Arko jojomkan tahẽkanre uni doe metatʼkoa, “Sạrigeń metapekana, ape modre mitʼ hoṛ do bạirikoakʼ tireye soprotińạ.”

Mathae 26:31

Unre Jisui metatʼkoa, “Niạ ńindạ ape jotoge ińrepe tạkijokʼa. Sonot sostorre ol akana, ‘gupiyicʼ iń mageya, enḍekhan palren bhiḍikoko chirchạturokʼa.’

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.

Johan 13:11

Ape dope saphagea, menkhan sanamko do baṅ.” Okoe acʼe soprote uni doe baḍae akade tahẽkana. Onate uni doe menkeda, “Ape joto do bape saphawa.”

Johan 18:5

Onkoko menkeda, “Nasaretren Jisu.” Jisui metatʼkoa, “Iń kangeạń uni do.” Ar bạirikoakʼ tire okoeye soprotlede uni Jihudạ hõ onko sãoteye teṅgo akan tahẽkana.

Johan 18:7

Jisu do arhõe kuliketʼkoa, “Okoepe ńam baṛayede kana?” Metadeako, “Nasaretren Jisu.”

Johan 19:28

Inạ tayom sanamakʼ purạu akana menteye baḍaeketʼ khan sonot sostor reakʼ katha jemon purạukʼ onate Jisui menkeda, “Tetaṅedińa.”

Johan 6:64

Menkhan ape modre nonkanko menakʼkoa okoe do ińre bako pạtiạukʼkan.” Okoeko Jisure bako pạtiạukʼkan ar okoe hoteteye soprot ocokʼ, ona do Jisu pạhil khongeye baḍaekan tahẽkana.

Aposkạmi 2:28

Am do jion reakʼ horkom baḍae ocokedińạ; ar cepel cepel rạskạ do am mẽtʼãhã samaṅrege menakʼa.

1 Patras 4:1

Onate Mạsi do hoṛmore duke sahaoletʼte ape hõ apnarakʼ ontorre inạ mitʼ monsubạge benao rakabtape, ente hoṛmore okoe duke jom akatʼ uni do kại reakʼ heowa khone thir akana.