Johan 18:33 - সান্তালী বাইবেল

³³ Unre Pilạt do arhõ oṛakʼ bhitriteye boloyena ar Jisu hohowadeteye metadea, “Am do cetʼ Jihudikoren raj kanam?”

Santali Common Language New Testament

³³ Unre Pilạt do arhõ oṛakʼ bhitriteye boloyena ar Jisu hohoadeteye metadea, “Am do cetʼ Jihudikoren raj kanam?”

Johan 18:33 Iomraidhean Croise

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Sephaniạ 3:15

Probhu Isor do amakʼ sạjạiye sạṅgiń giḍiakada, uni do amren bạirikoe laga ńir akatʼkoa. Israelren raj Probhu Isor do am talare menaea; am do ar tishõ bin bhạlạiyakʼ do alom botorakʼa.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Mathae 27:11

Jisu do disạm cakʼlaoyicʼ Pilạt samaṅreko teṅgokedea. Unre Pilạt do Jisui kulikedea, “Am do cetʼ Jihudikoren raj kanam?” Jisui roṛ ruạṛkeda, “Am do ṭhikgem meneda.”

Mathae 27:27

Unre disạm cakʼlaoyicʼ Pilạtren palṭonko do oṛakʼ bhitrite Jisuko aderkedea ar goṭa palṭon dolrenko Jisu beṛhaeteko jarwaketʼkoa.

Mark 15:2

Pilạt do Jisui kulikedea, “Am do cetʼ Jihudikoren raj kanam?” Jisui roṛ ruạṛkeda, “Am do ṭhikgem men akada.”

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Johan 12:13

Unre onko do khijur ḍạr sapʼkate daram ạguiye lạgitʼko oḍok calaoena ar ãṭ aṛaṅte hohowate memenko ehopʼena, “Hosanna, bhorangeae Probhu Isor ńutumte daraekạnicʼ, Israelkoren raj do.”

Johan 12:15

“E Sionren kuṛi, alom botorokʼa. Ńelme, amren raj do gadha hoponre decʼkateye hijukʼkana.”

Johan 18:34

Jisui menkeda, “Am do cetʼ apnarte noa katham roṛeda, se eṭakʼ hoṛ iń reaṅko lại akawatʼmea?”

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriyakʼren kan uni do ińakʼ kathae ańjoma.”

Johan 18:38

Pilạt do uniye metadea, “Sạriyakʼ do cetʼ kana? Noa katha menkate uni do arhõ bahrete senkate Jihudi mukhiyạkoe metatʼkoa, “Iń do nuiyakʼ cetʼ dosge bạń ńametʼtaea.

Johan 19:12

Noa ańjomkate Pilạt do Jisu aṛage lạgitʼe kurumuṭukeda, menkhan Jihudi mukhiyạko do hohowateko menkeda, “Nuiyem aṛakʼ lekhan enḍekhan maharaj Kạisạrren gate dom baṅkana. Jãhãege acʼte raj menteye benaokʼ khan uni do Kạisạrren bạiri kanae.”

Johan 19:3

Ar beguni roṅ reakʼ aṅgropko horokʼadete uni ṭhen senkateko menkeda, “Johar, Jihudikoren raj, jitạu hoyokʼtam ma!” Noa menkate onko doko thapa baṛakedea.

Johan 19:4

Pilạt do arhõ bahrete oḍok hecʼkate hoṛkoe metatʼkoa, “Ńelpe, ape ṭheniń oḍok ạguiyedea jemonpe bujhạu daṛeakʼ, uniyakʼ do jãhãn dosge bạń ńametʼtaea.”

Johan 19:9

Uni do arhõ oṛakʼ bhitrite bolokate Jisui kulikedea, “Am do oka khonem hecʼakana?” Menkhan Jisu do cetʼge bae roṛ ruạṛleda.

1Timothi 6:13

Isor, okoe do sanamakʼe jiwetʼ ocoyetʼ ar Mạsi Jisu, one uni do Pontus Pilạt ṭhen sạriyakʼ reakʼ gohae emletʼ, uni Isor ar Jisu Mạsi samaṅre iń do noań hukumam kana,