Johan 18:32 - সান্তালী বাইবেল

³² Jisu do cetʼleka gujukʼ hoyokʼtaea ona do laharegeye lạiletʼa. Noa do hoyena uniyakʼ ona katha jemon purạukʼ.

Santali Common Language New Testament

³² Jisu do cetʼleka gujukʼ hoyokʼtaea ona do laharegeye lạiletʼa. Noa do hoyena uniakʼ ona katha jemon purạukʼ.

Johan 18:32 Iomraidhean Croise

Sereńko 22:16

Iń beṛhaete bạṛicʼakʼko kạmikan phạdko do seta lekako esetʼ ạcur akadińạ; onko do ińakʼ ti jaṅgako pạṭi tapʼ akatʼtińạ.

Mathae 20:19

onko doko bicạrea ar gujukʼ lek kanae menteko dusi ṭarhaoea. Arko siṛogaea, arko cạbukea ar kuruskae lạgitʼ boṅgan hoṛ jạtrenkoakʼ tireko soprotea; ar pe mãhã hilokʼre uni do gocʼko khone jiwetʼ beredokʼa.”

Mathae 26:2

“Baḍaegeape bar din tayom khange bańcaokʼ porob do hoyokʼa, ar Manwa Hopon do kuruskae lạgitʼko soprotea.”

Mark 10:33

Uni doe metatʼkoa, “Ńelpe, Jerusalemte bon calakʼ kana. Onḍe Manwa Hopon do maraṅ naekeko ar sostor baḍaeko ṭhenko soprotea. Onko do gujukʼ lek kanae menteko bicạr dusiyea ar boṅgan hoṛ jạtrenkoakʼ tireko soprotea.

Johan 10:31

Unre Jihudi mukhiyạko do tińe lạgitʼ dhiriko halaṅkeda.

Johan 10:33

Mukhiyạkoko menkeda, “Bhage kạmi iạte tińme do bale meneda, menkhan Isor upạrte henosta reakʼ katham roṛetʼkan iạtege. Ente am do manwa hoekate hõ Isorem benaokʼkana.”

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Johan 18:31

Pilạte metatʼkoa, “Nui do idiyepe ar apeakʼ ạn leka bicạrepe.” Onate Jihudi mukhiyạko do Pilạtko metadea, “Menkhan jãhãege gujukʼ sạjại emae reakʼ ektiạri aleakʼ do bạnukʼtalea.”

Johan 21:19

Isorakʼ ṭhonok sodortae lạgitʼ Patrasakʼ cetʼleka gujukʼ hoyokʼtaea ona bujhạu ocoy lạgitʼ Jisu do noa kathae roṛkeda. Ar noae roṛketʼ khan Patrase metadea, “Dela pańjańme.”

Johan 3:14

Cetʼleka Mose do hahaṅkarre bińe rakapʼlede onkage Manwa Hopon hõe rakapʼ ocokʼa,

Johan 8:28

Onate Jisui metatʼkoa, “Manwa Hopon tinre coṭtepe rakabea unrepe baḍae daṛeakʼa, iń doń uni kangea. Ar noa hõpe bujhạu daṛeakʼa iń do ińte cetʼge bạń kạmikana, bickom Baba okae cetʼ akawạdiń onageń roṛeda.

Aposkạmi 7:59

Ar dhiriteko tińekan tahẽkanre uni do nonkae koekeda, “E Probhu Jisu, ińakʼ jiwi ataṅ tińme baṛe.”

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Dosar Biboron 21:23

enḍekhan setakʼ hạbicʼ mạ̃ṛĩ do darere aka dohokakʼ baṅ ganokʼa. Enhilokʼge uni do topakae hoyokʼa, ente onkanko hoṛ do Probhu Isorren sarapan hoṛkanako. Ar Probhu Isor do sompotti lekate okaṭakʼ disạme emape lạgidokʼkan ona do alope besapha ocoya.