Johan 18:28 - সান্তালী বাইবেল

²⁸ Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.

Santali Common Language New Testament

²⁸ Jihudi mukhiạko do ạḍi setakʼre Kaeapha ṭhen khon Romren disạm cakʼlaoicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente sen-parom porob reakʼ bhojko jom daṛeakʼ.

Johan 18:28 Iomraidhean Croise

Sereńko 35:16

Hulạsokʼ jokhecʼ Isor bin botorae ṭiṭkạriko leka onko do iń upạrte togocʼ ḍaṭako ehopʼena.

Kạhtukko 1:16

ente onkoakʼ jaṅga do kại secʼge ńir calakʼ kana, ar mãyãm joro ocoy lạgitʼko thare marekʼ kana.

Kạhtukko 4:16

Ente bạṛicʼ hoṛ do baṛicʼakʼ bako kạmile khan bako jạpitʼ daṛeakʼa; ar jãhãe bako tạkicʼ ocoleko khan mẽtʼ hõ baṅ jạpidokʼtakoa.

Jeheskel 45:21

“ ‘Pạhil cando reakʼ gelponakʼ tạrikre bańcaokʼ porobpe hoeocoya. Niạ porob do eae din reakʼ hoyokʼa; unre ape do bin khạmiyanakʼ piṭhạ jojom hoyokʼtapea.

Mikạ 2:1

Hae onko do, one okoe do behok lạgitʼko goṭayetʼkan, one okoe do apnarakʼ aṭetʼre bạṛicʼakʼ reakʼ phundiko aṭaoetʼkan. Ar setakʼlen khan do onka lekako kạmikana, ente ona onkae reakʼ daṛe do akoakʼ tire menakʼa.

Mathae 27:27

Unre disạm cakʼlaoyicʼ Pilạtren palṭonko do oṛakʼ bhitrite Jisuko aderkedea ar goṭa palṭon dolrenko Jisu beṛhaeteko jarwaketʼkoa.

Mark 15:16

Ona tayom palṭonko do disạm cakʼlaoyicʼakʼ dolan bhitrite Jisuko idikedea. Onḍe do eṭakʼ palṭonko hõko jarwa mitʼketʼkoa.

Luk 22:66

Ado setakʼen khan Jihudikoren murubbiko, maraṅ naekeko ar sostor baḍaekoko jarwa mitʼena ar maraṅ bạisi samaṅre Jisu ạgukedeteko metadea,

Johan 11:55

Unre Jihudikoakʼ bańcaokʼ porob do sor akan tahẽkana. Ar porob lahare saphakʼ lạgitʼ ạḍi utạr hoṛ do atoko khon Jerusalemteko calao akan tahẽkana.

Johan 18:13

Ar Hannas ṭhenko idi maṛaṅkedea, ente Hannas do ona bochorren maraṅ naeke Kaeapharen hońhartetʼe tahẽkana.

Johan 18:15

Simon Patras ar eṭakʼ mitʼṭen cela do Jisukin pańja idikedea. Uni eṭakʼ cela do maraṅ naekeren oprom hoṛe tahẽkana. Uni cela do Jisu sãote maraṅ naekeakʼ bakher raca hạbicʼe bolo calaoena,

Johan 18:33

Unre Pilạt do arhõ oṛakʼ bhitriteye boloyena ar Jisu hohowadeteye metadea, “Am do cetʼ Jihudikoren raj kanam?”

Johan 18:39

Menkhan apeakʼ mitʼṭecʼ niạm menakʼa, bańcaokʼ porobre mitʼṭen kạidiń aṛakʼape. Ape do cetʼ Jihudikoren rajiń aṛakʼapepe khojkana?”

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniyakʼ kại do ḍhergetaea.”

Johan 19:14

Enhilokʼ do bańcaokʼ porob reakʼ sapṛaokʼ din tahẽkana. Unre tikin amdaj tahẽkana. Pilạt do Jihudi mukhiyạkoe metatʼkoa, “Nũkʼũi ńelepe, aperen raj.”

Johan 19:9

Uni do arhõ oṛakʼ bhitrite bolokate Jisui kulikedea, “Am do oka khonem hecʼakana?” Menkhan Jisu do cetʼge bae roṛ ruạṛleda.

Aposkạmi 10:28

Uni doe metatʼkoa, “Ape mape baḍaege je, mitʼṭen Jihudi hoṛ do mitʼṭen boṅgan hoṛ sãote gatekʼ se uni sãote ńapamokʼ hõ aleakʼ dhorom reakʼ ạn-ạri birudkana. Menkhan Isor do ińe udukʼ akawạdińạ, okoe hõ besapha se chut mente metako do lek baṅkantińạ.

Aposkạmi 10:32

Ado ńitokʼ Joppate hoṛ kolkom, ar Simon, okoe do Patrasko metaekan uni hoho ạguyem. Uni do jalapuri aṛere Simon camarakʼ oṛakʼreye ḍera akana.’

Aposkạmi 11:3

“Am do begor khatna akan hoṛkoakʼ oṛakʼte senkate onko soṅgem jom-ńũiyetʼ kana.”

Aposkạmi 3:13

Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Aposkạmi 4:27

“Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

Dosar Biboron 16:2

Acʼ apnartetʼe sodorokʼ iạte Probhu Isor do acʼakʼ tahen jaega lekate okaṭakʼe bachao joṅ, onḍege aperen ḍaṅgra se merom se bhiḍi palko khon janwar hataokate aperen Probhu Isor ńutumte bańcaokʼ porobpe porobokʼa.