Johan 18:11 - সান্তালী বাইবেল

¹¹ Noa iạte Jisu do Patrase metadea, “Tarwaṛe do khapre bhoraokakʼme. Baba oka duk reakʼ bạṭiye emakawạdiń ona do cetʼ bạń ataṅa?”

Santali Common Language New Testament

¹¹ Noa iạte Jisu do Patrase metadea, “Tarwaṛe do khapre bhoraokakʼme. Baba oka duk reakʼ bạ̃ṭiye emakawạdiń ona do cetʼ bạń ataṅa?”

Johan 18:11 Iomraidhean Croise

2 Samuel 16:10

Raje menkeda, “E Seruyaren hoponko, noa reaṅ ape sãote ińakʼ do cetʼ? Probhu Isorge, ‘Dạud sarapaeme’ noa kathae metaekan khan, tobe uni do okoeye kuli daṛekea, ‘cedakʼ nonka dom kạmikana?’ ”

Sereńko 75:8

Probhu Isorakʼ tire mitʼṭecʼ bạṭi menakʼa, onare do mosola mesao akatʼ cãwãoakʼ darkha rasa menakʼa. Uni do ona bạṭi khone dul oḍoka; ar dhạrtiren sanam bedhorom hoṛko ona reakʼ lenda hõ lendako hińjitʼ joṅa arko ńũiya.

Jeheskel 23:31

Am do amren boeham kuṛiyakʼ hortegem sen akana; onate uniyakʼ bạṭi do amakʼ tireń calam kana.

Mathae 20:22

Jisui menkeda, “Ape cetʼpe khojkan ona do bape baḍaea. Okaṭakʼ bạṭi reakʼ iń ńũi lạgidokʼkan, ona reakʼ do cetʼ ben ńu daṛeakʼgea?” Metadeakin, “Daṛeakʼ gealiń.”

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sana lekage baṛe hoyokʼma.”

Mathae 26:42

Uni do ruạṛ senkate dosar dhao koeketʼteye menkeda, “E Baba, noa bạṭi iń ṭhen khon baṅ ocogokʼ khan begor onań ńũite, enḍekhan amakʼ sana lekage baṛe hoyokʼma.”

Luk 12:30

Ente dhạrtiren eṭakʼ jạtrenkoge onako reaṅ doko ńam baṛakana; ona chaḍa aperen Baba doe baḍaegea, noako sanamakʼ reakʼ jạruṛ menakʼtapea mente.

Luk 22:42

“E Baba, amem moneyakʼkan khan, noa duk reakʼ bạṭi do iń khon pharakme baṛe. Enhõ ińakʼ monejoṅ leka do baṅ, menkhan amakʼ sana lekage hoyokʼma.”

Johan 15:10

Cetʼleka iń do Babawakʼ sanam hukumkoń dohoyetʼkante uniyakʼ dulạṛre minạńa, onkage ińakʼ hukumkope dohole khan ape hõ ińakʼ dulạṛrepe tahena.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Johan 18:36

Jisui menkeda, “Ińakʼ raj do noa dhạrti reakʼ do baṅkana. Ente noa dhạrti reakʼ tahẽlen khan enḍekhan ińren hoṛko lạṛhạikokʼa jemon Jihudi mukhiyạkoakʼ tire aloń paṛaokokʼ; menkhan ińakʼ raj do nonḍenakʼ do baṅkana.”

Johan 20:17

Jisui menkeda, “Alom hạṛubińạ, ente ńit hõ sermaren Baba ṭhen ạuriń calakʼa. Am do senkate boehako lạiyakome, okoe doe iń ar aperen Babakan ar okoe doe iń ar aperen Isorkan, iń do uni ṭheniń rakapʼ calakʼkana.”

2 Korinthiko 10:4

Jel ar mãyãm reakʼ gobolre tahẽkate okako khanḍa bhanḍate manwako lạṛhạikan onate ale do bale lạṛhại kana, menkhan Isorakʼ daṛete aboakʼ khanḍa bhanḍa ar kajak gaṛko hõ dhaṅ dhaserokʼa.

2 Korinthiko 6:7

sạri porcarte ar Isorakʼ daṛe hotete ale dole sạbutetʼkana je, sapʼ dapʼko kanale mente. Arhõ banar tite sạriyakʼ reakʼ khanḍa bhanḍa sapʼkatele sạbudetʼ kana ale do Isorren sapʼdapʼko kanale.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.