Johan 17:3 - সান্তালী বাইবেল

³ Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Santali Common Language New Testament

³ Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 17:3 Iomraidhean Croise

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

2 Bõsbudạ 15:3

Israelko do ḍher din hạbicʼ sạri Isor chaḍa, naeke chaḍa ar ạn-ạriko chaḍageko calakʼkan tahẽkana.

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Kạhtukko 8:35

Ente okoe ińe ńameńkan uni do jione ńama ar Probhu Isor ṭhen khon dayae ńama.

Jesaea 48:16

“Ape do iń ṭhen hijukʼte ańjompe. Iń do pạhil khon jãhãnakʼ katha danaṅ dohoy lạgitʼ do bạń roṛ akada; onako katha purạukʼ oktere iń do onḍegeń tahẽkana.” Ńitokʼ Probhu Isor do acʼren Jiu ińre emkateye kol akadińạ.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Mark 9:37

“Jãhãege nonkan kạṭicʼ gidrạ iń ńutumteye ataṅe uni do ińgeye ataṅińạ, ar okoe ińe ataṅiń uni do eken iń do baṅ, menkhan kol akadińicʼgeye ataṅedekana.”

Luk 9:48

Ona tayome metatʼkoa, “Jãhãege iń ńutumte nui gidrại ataṅe, uni do ińgeye ataṅińạ. Ar okoe ińe ataṅiń, uni do kol akadińicʼgeye ataṅea. Apeko modre okoe sanamko khone huḍiń utạricʼkan, unigeye maraṅa.”

Johan 10:36

Enḍekhan Baba okoeye sonot akade ar dhạrtiteye kolkede uni ińge tinreń metapekana ‘Iń doń Isorren Hopon kana,’ unre cekatepe meneda, ‘am do Isor upạrte henosta katham roṛeda?’

Johan 11:42

Ińiń baḍaea am do jaoge ińakʼ katham ańjometʼtińa. Menkhan okoeko hoṛ beṛhaeteko teṅgo akan onko jemonko pạtiạukʼ amem kol akadińạ mente, ar onatege noa katha doń menkeda.

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lại akatʼpe onako joto doe disạ ocopea.

Johan 17:18

Ar cetʼleka dhạrtitem kol akadiń onkage ińhõ dhạrtite nokoń kolakatʼkoa.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kol akadińạ.

Johan 17:23

Metakʼme iń do onkore, ar am do ińre, jemon nonkate onko do mitʼko hoyokʼ. Onate dhạrtiren hoṛko baḍae daṛeakʼa, amge ińem kol akadińa ar cetʼleka ińem dulạṛedeń kan onkage onko hõm dulạṛetʼkoa.

Johan 17:25

E dhoromren Baba, dhạrtiren hoṛko bako baḍae akatʼmea, menkhan iń doń baḍae akatʼmea. Ar nokoko baḍae akada amge ińem kol akadińạ.

Johan 17:8

Ente okako katha lạiyakom metadiń tahẽkan iń do onakoń lại akawatʼkoa. Ar onko do onako ataṅketʼte sạrigeko baḍaekeda, iń do am ṭhen khoniń hecʼakana, arko pạtiạu akana, amge ińem kol akadińa.

Johan 3:17

Uni do manwa dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Johan 5:44

Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Johan 6:57

Iń do jiwetʼicʼ Babageye kol akadińạ ar uni iạtege jiwetʼ minạńa. Onkage iń jojomicʼ hõ iń hotete jiwetʼe tahena.

Johan 7:29

Uni do bape baḍae akadea menkhan iń doń baḍae akadea, ente iń do uni ṭhen khongeń hecʼakana ar unige iń doe kolakadińạ.”

Johan 8:19

Phạrusikoko metadea, “Amren Baba do okare menaea?” Jisui roṛ ruạṛatʼkoa, “Ape do iń hõ bape baḍae akadińạ ar ińren Baba hõ bape baḍae akadea. Ente ińpe baḍaeliń khan honaṅ ińren Baba hõpe baḍaekea.”

1 Korinthiko 15:34

Onate ape do apeakʼ monre cetaokʼpe ar alope kạiya. Ente ape modre adomko do Isor bako oromakadea; iń do lajao ocope lạgitʼge noa katha doń roṛeda.

1 Korinthiko 8:4

Ńitokʼ do boṅga ṭhen samaṅakʼ jomakʼ reaṅ iń roṛeda. Baḍaegea bon dhạrtire cele boṅgage bạnukʼkoa, ar mitʼ goṭen chaḍa ar cele Isor hõ bạnukʼkoa.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Philipiko lạgitʼ Pạul apostolakʼ ciṭhi 3:10

Iń do Mạsi baḍaeye sanań kana ar oka daṛe hotete gocʼko khone jiwetʼ beretʼ ocolen ona hõ baḍae sanań kana. Iń do uniyakʼ duk sasetre bhạgiyạdar hoyokʼ hõ sanayediń kana. Ar oka monsubạteye gocʼlen iń hõ onkan monsubạge ńańam sanayediń kana.

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

2 Patras 1:2

Isor ar aboren Probhu Jisu do khạndri ontor khon baḍaeyete asambheṛ daya ar suluk baṛe apere tahenma.

2 Patras 1:3

Okoe acʼakʼ ṭhonok ar soros gunteye hohoakatʼ bon, uniyakʼ khạndriyakʼko baḍae hotete acʼakʼ Isor daṛete nonkanakʼkoe dan akatʼbona, one ona hotete abo do Isor botoraete jion bon khemao daṛeakʼ.

2 Patras 1:8

Apeakʼ noako gun tahentape khan ar onako baḍhao idikʼkan khan, enḍekhan aboren Probhu Jisu Mạsi do khạndri ontor khon baḍaeyere okaj ar bin joanko do bape hoyokʼa.

1 Johan 1:2

Ona jion doe sodorlena. Ale do unile ńelakadea ar uni reaṅ gohale emeda. Okoe do Baba ṭhene tahẽkan ar ale ṭhene sodorlen ona jaejug jion reakʼ kathage apele baḍae ocoyetʼpea.

1 Johan 1:3

Okoe alele ńelakade ar okoeyakʼ moca reakʼ kathale ańjomakatʼ uni reaṅgele baḍae ocoyetʼpea. Ale do onale baḍae ocoyetʼpea jemon ape ar ale talare mitʼṭecʼ helmel benao rakabokʼ. Noa do hoyokʼ kana Baba ar uniren Hopon Jisu Mạsi ar abo tala reakʼ helmel.

1 Johan 2:23

Okoe Hopon bae aṅgoce uni tulucʼ Babawakʼ do jãhãn jopoṛao bạnukʼtaea, menkhan Hopon okoeye aṅgoce uni tulucʼ do Babawakʼ hõ jopoṛao menakʼtaea.

1 Johan 4:6

Abo do Isorren kana bon; okoe Isore baḍae akade uni do aboakʼ kathae ańjoma, menkhan okoe Isorrene baṅkan uni do aboakʼ katha bae ańjoma. Ar noatege abo do sạriyakʼren Jiu ar bukʼlạuren jiu bon orom daṛeaea.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.