Johan 17:21 - সান্তালী বাইবেল

²¹ E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kol akadińạ.

Santali Common Language New Testament

²¹ E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kolakadińạ.

Johan 17:21 Iomraidhean Croise

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Sephaniạ 3:9

Ar ona tayom do jạt jạtrenko napae alaṅiń emakoa jemon jotokoge ińko sewawạń ar jotoko mitʼ jomokteko dewa sewa daṛeạń.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Mark 3:24

Jãhãṭakʼ rajosṭige apnar talare hạṭińlen khan ona rajosṭi do ohoge ṭikạulena.

Johan 10:16

Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Johan 10:30

“Iń ar Baba doliń mitʼgea.”

Johan 10:38

Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”

Johan 11:42

Ińiń baḍaea am do jaoge ińakʼ katham ańjometʼtińa. Menkhan okoeko hoṛ beṛhaeteko teṅgo akan onko jemonko pạtiạukʼ amem kol akadińạ mente, ar onatege noa katha doń menkeda.

Johan 13:32

Isorakʼ ṭhonok tinre unire sodorokʼa unre Isor hõ Manwa Hoponakʼ ṭhonok acʼreye sodora ar usạrageye ṭhonok ocoyea.

Johan 13:35

Nonkage ape apere dulạṛ tahen khan sanamkoko bujhạu daṛeakʼa ape do ińren celako kanape mente.”

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ leka laṅ mitʼge noko hõ onkage mitʼko tahen.

Johan 17:18

Ar cetʼleka dhạrtitem kol akadiń onkage ińhõ dhạrtite nokoń kolakatʼkoa.

Johan 17:20

“Eken onko lạgitʼ iń nehõrokʼ kana ona do baṅ, menkhan okoe nokoakʼ kathate ińreko pạtiạukʼkan onko lạgitʼ hõń nehõrokʼkana, jemon onko sanamko mitʼko hoyokʼ.

Johan 17:25

E dhoromren Baba, dhạrtiren hoṛko bako baḍae akatʼmea, menkhan iń doń baḍae akatʼmea. Ar nokoko baḍae akada amge ińem kol akadińạ.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 17:8

Ente okako katha lạiyakom metadiń tahẽkan iń do onakoń lại akawatʼkoa. Ar onko do onako ataṅketʼte sạrigeko baḍaekeda, iń do am ṭhen khoniń hecʼakana, arko pạtiạu akana, amge ińem kol akadińa.

Johan 3:17

Uni do manwa dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Aposkạmi 4:32

Mạsire pạtiạu akan sanamkoge mon ar jiwite mitʼko tahẽkana. Onko do okaṭakʼge apnarakʼ kana mente bako dạbiyetʼkan tahẽkana, bickom sanamakʼge apan ạpin jạruṛakokan lekako beoharetʼ tahẽkana.

Romiko lạgitʼ Pạul Apostolakʼ ciṭhi 12:5

ṭhik onkage abo do lekhare bon ḍhergere hõ Mạsire bon mitʼ akante mitʼ hoṛmoge bon hoyakana. Ar abo mimitʼko do eṭakʼkoakʼ hoṛmo hạṭińko kana bon.

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn doladuli alo tahen ma, bickom ape do mitʼmon ar mitʼakan tahenpe.

1 Korinthiko 12:12

Mitʼṭen hoṛmore cetʼleka aema hạṭińko tahen ar ona hạṭińko ḍhergere hõ cetʼleka mitʼṭen hoṛmoge hoyokʼkan, Mạsi hõ ṭhik onkage.

1 Korinthiko 6:17

Menkhan Probhu Isor tulucʼ mitʼakanicʼ do uni tulucʼe mitʼ Jiugea.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Philipiko lạgitʼ Pạul apostolakʼ ciṭhi 1:27

Joto khon maraṅ katha do hoyokʼ kana, ape do nonka leka jion khemaope one okaṭakʼte Mạsi reaṅ bhage sombat reakʼ lek kan. Enḍekhan iń apnarte hecʼkateń ńelpe se sạṅgiń khon apeakʼ kathań ańjom, ar iń baḍae baṅma, ape do mitʼ Jiurepe teṅgo ṭak akana mente ar bhage sombat hotete okaṭakʼ biswạs hijukʼkan ona lạgitʼ mitʼtepe khaṭaokʼ kana.

1 Johan 1:3

Okoe alele ńelakade ar okoeyakʼ moca reakʼ kathale ańjomakatʼ uni reaṅgele baḍae ocoyetʼpea. Ale do onale baḍae ocoyetʼpea jemon ape ar ale talare mitʼṭecʼ helmel benao rakabokʼ. Noa do hoyokʼ kana Baba ar uniren Hopon Jisu Mạsi ar abo tala reakʼ helmel.

1 Johan 5:7

Sonot Jiu, dakʼ ar mãyãm, noa pea talate ona goha do hijukʼkana ar ona pene goha do mitʼgea.