Johan 17:15 - সান্তালী বাইবেল

¹⁵ Noa dhạrti khon idiko lạgitʼ do bạń nehõram kana, bickom nehõrokʼ kạnạń, jemon Soetanakʼ ti khonem bańcaoko.

Santali Common Language New Testament

¹⁵ Noa dhạrti khon idiko lạgitʼ do bạń nehõram kana, bickom nehõrokʼ kạnạń, jemon Soetanakʼ ti khonem bańcaoko.

Johan 17:15 Iomraidhean Croise

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

1 Bõsbudạ 4:10

Jabes do Israelren Isor hohoadeteye metade tahẽkana, “Bhorạńme ar ińakʼ sompotti ḍherkạtińme. Ar amakʼ daṛe do iń são sãote tahenma ar sanam muhin khon rukhiyạyińme jemon kosṭo aloń ńam.” Ar Isor do uniyakʼ nehõrjoṅakʼe ańjomketʼtaea.

Sereńko 121:7

Joto lekan bạṛicʼakʼ khon Probhu Isorge ame rukhyiạmea; ar unige amakʼ jiwiye horhoytama.

Sereńko 30:9

“Ińakʼ gujukʼre se patal puriteń calakʼre do cetʼ labtiń? Dhuṛi do cetʼ ame sarhaomea?

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Jesaea 57:1

Dhorom hoṛko maraokʼkan ona secʼ do okoehõ bako moneyakʼ kana. Isor bhokto hoṛ doko idi ocokʼ kana, menkhan okoege bako bujhạu daṛeakʼ kana, bạṛicʼ hoṛkoakʼ ti khon rukhiyạ ńam lạgitʼge onko doko idi ocokʼ kana mente.

Mathae 5:37

Apeakʼ katha do, ‘Hẽ khan hẽ,’ ar ‘Baṅ khan baṅ hoyokʼma,’ ar noa khon bạ̃ṛtiyakʼ okaṭakʼkan, ona do Soetan ṭhen khonge hijukʼa.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Luk 11:4

ar aleakʼ kạiko ikạkataleme ente okoe ale upạrteko dosetʼkan ale hõ onkole ikạkatako kana. Ar biḍạute alom aderlea.’ ”

Luk 22:32

Menkhan iń do am lạgitʼ iń koeyeda, jemon amakʼ biswạs alo ḍigạukʼtam. Am do iń ṭhenem ruạṛ hijukʼre amren noko boehakom keṭecʼkoa.”

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwigeye emkeda, jemon noa bạṛicʼ piṛhirenko khone rukhiyạ bon.

2 Thessalonikiko 3:3

Menkhan Probhu Isor doe pạtiạrgea; unige ape doe kajak ocopea ar Soetanakʼ ti khone rukhiyạpea.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.

1 Johan 5:18

Baḍaea bon, Isor khon janamicʼ do kạire bae tahena. Ar okoe Isor khone janam akan unige uni doe rukhiyạyea, ar Soetan do bae joṭetʼ daṛeaea.

1 Johan 5:19

Baḍaeabon abo do Isorren kanabon, ar goṭa dhạrti do Soetanakʼ ektiạri latarre menakʼa.