Johan 17:13 - সান্তালী বাইবেল

¹³ “Ńitokʼ do am ṭheniń hijukʼ kana, ar ińakʼ rạskạte onkoakʼ ontor jemon perejokʼtako onate dhạrtire tahenrege noako kathań roṛeda.

Santali Common Language New Testament

¹³ “Ńitokʼ do am ṭheniń hijukʼ kana, ar ińakʼ rạskạte onkoakʼ ontor jemon perejokʼtako onate dhạrtire tahenrege noako kathań roṛeda.

Johan 17:13 Iomraidhean Croise

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Sereńko 126:5

Mẽtʼ dakʼ joro jorote okoe do itạko eretʼkan onko hõ hulạs salakʼko ira.

Sereńko 43:4

jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

Johan 13:3

Jisu doe baḍaekan tahẽkana, Isor Baba do acʼakʼ tire jotowakʼe jimạ akada. Ar noa hõe baḍaekan tahẽkana, acʼ do Isor ṭhen khone hecʼakana ar uni ṭhengeye ruạṛ calao lạgidokʼ kana.

Johan 15:11

Noako kathań menkeda jemon ińakʼ rạskạ do apeakʼ ontorre tahen ar apeakʼ rạskạ purạukʼtape.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ leka laṅ mitʼge noko hõ onkage mitʼko tahen.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Johan 7:33

Jisui metatʼkoa, “Ape talare ḍher din do bạnuńa. Ona tayom okoeye kol akadiń uni ṭheniń ruạṛ calakʼa.

Aposkạmi 13:52

Menkhan onḍenko cela do rạskạ ar sonot Jiuteko perecʼena.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼkana, dhorom ar suluk ar rạskạge Sonot Jiure tahen.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

1 Johan 1:4

Aleakʼ rạskạ jemon perejokʼ onate ale do noakole oleda.

2 Johan 1:12

Ape olape lạgitʼ ińakʼ aema katha menakʼre hõ enhõ kagoc ar kạlite olape do bạń menjoṅ kana. Ona khon bickom ape ṭhen senkate mocate galmarao reakʼ iń asokʼ kana, jemon aboakʼ rạskạ purạukʼ tabon.