Johan 16:21 - সান্তালী বাইবেল

²¹ Maejiu do gidrại janame jokhecʼ kosṭoe ńama, ente uniyakʼ okte do seṭerentaea. Menkhan gidrại janamlere, dhạrtire mitʼṭen nãwã manwae hecʼen reakʼ rạskạte ona kosṭo do ar bae disạea.

Santali Common Language New Testament

²¹ Maejiu do gidrại janame jokhecʼ kosṭoe ńama, ente uniakʼ okte do seṭerentaea. Menkhan gidrại janamlere, dhạrtire mitʼṭen nawa manwae hecʼen reakʼ rạskạte ona kosṭo do ar bae disạea.

Johan 16:21 Iomraidhean Croise

Genesis 3:16

Ona tayom uni maejiue metadea, “Bhạrti hoṛmom tahenre amakʼ kosṭo do arhõń ḍher ocoytama. Am do bedonte gidrạm janamea. Ar jãwãe lạgitʼem jaljalaokʼa, ar uni do am cetanre mạlike hoyokʼa.”

Jobakʼ 11:16

Unre amakʼ kosṭo khạṭigem hiṛińa, ona do ạtukʼkan dakʼ lekagem hudisa.

Sereńko 113:9

Bạńjhi do gidrạkoren rạskạwạnicʼ gogoye hoyocoyedea ar soṅsar reakʼ purạ ạidạri hõe emaekana. Probhu Isorakʼge sarhao hoyokʼtae ma.

Jesaea 13:8

Onko do ạḍi bebạṛicʼko botorokʼa, ar ạḍi ãṭ hasokoa, gidrạ janamede kan maejiu leka bedonteko thakao cabakʼa, onko do cahapʼkate apan apin secʼko beṅgetʼjoṅa ar mẽtʼãhã do jaljalaokʼtakoa.

Jesaea 21:3

Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

Jesaea 66:7

Sion do bedon ạuri rakapʼaerege gidrại janam akadea; uniyakʼ haso ạuri rakabokʼrege mitʼṭen koṛa gidrại jamankedea.

Mikạ 4:10

E Sion kuṛi, bedonokʼkan maejiu leka hasote baṛe thakoakʼme, ente ńitokʼ do amakʼ nagraha bạgikate ṭạnḍire tahen hoyokʼtama. Am hõ Babeltem calakʼa; ar onḍe do bańcaoem ńama. Probhu Isor do onḍege amren bạirikoakʼ ti khone chaḍaomea.

Mikạ 4:9

Cedakʼ am do ńitokʼ ãṭ aṛaṅtem rakʼeda? Amren raj do cetʼ bạnuiya? Amren sosolhayicʼ do cetʼe gocʼakana? Ar cetʼ iạte bedonokʼ kan maejiu leka dom bedonokʼkana?

Galathiko lạgitʼ Pạul Apostolakʼ ciṭhi 4:27

Sonot sostorre olakana, “Hulạsokʼme E bạńjhi maejiu, one tisge gidrạ bam janam akatʼko, ar bedon hõ baṅ rakapʼ akatʼme, am do, sereń joṅme ar rạskạte andoṛme; ente jãwãe menaetayicʼ khon bạgi giḍiyicʼren gidrạgeko saṅgegea.”

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.