Johan 16:2 - সান্তালী বাইবেল

² Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Santali Common Language New Testament

² Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 16:2 Iomraidhean Croise

Jesaea 65:5

Onko doko mena, ‘pharakre tahenme; iń ṭhen do alom hijukʼa, ente am khon ḍhergeń sonotgea.’ Onko hoṛ do ińakʼ mũ reakʼ dhũạ kanako ar goṭa din jolokʼkan seṅgel kanako.

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Daniel 11:33

“Onko hoṛko modre okoekoakʼ bujhạu reakʼ daṛe menakʼtako onko do ḍher hoṛko cetʼakoa, enhõ thoṛa okte hạbicʼ onko talare ḍherkoge tarwaṛe ar seṅgel lepʼ, kạidạu ocokʼ ar luṭ ocokʼteko gurokʼa.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Mathae 24:9

“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea.

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

Johan 12:42

Enre hõ mukhiyạko modren ḍher hoṛge unireko pạtiạuena, menkhan Phạrusiko ṭhen biṭlạha ocokʼ botorte bako aṅgocleda.

Johan 16:25

“Noako sikhạuna katha do phenkoteń galmaraoatʼpea. Ente nonkan okte hijukʼkana one unre iń do phenkote ar bạń galmarao apea, menkhan pusṭạute Baba reaṅ iń lạiya.

Johan 16:32

Ńelpe, ona okte do hijukʼkana, hẽ hecʼakangea, unre ape dope chirchạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Johan 4:21

Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Johan 4:23

Menkhan okte daraekana, ar ńit hõ kangea, one unre sạri sewako do Jiu ar sạriyakʼte Babako sewawaea. Ar Baba hõ nonkan sekʼwakogeye ńam baṛayetʼkoa.

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Johan 9:34

Khange mukhiyạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

Aposkạmi 5:33

Noa katha ańjomkate mukhiyạko do ạḍiko raṅgaoena ar apostolko gocʼko lạgitʼko khojkeda,

Aposkạmi 7:56

“Ńelpe, iń do serma jhicʼ akan ar Manwa Hopon Isorakʼ jojomsa aṛere teṅgo akaniń ńelekana.”

1 Korinthiko 4:13

arko bodnametʼlere hõ mạ̃hir seletʼle roṛ ruạṛako kana; ar ńit hạbicʼ hõ dhạrti reakʼ mạilạ ar sanamko reakʼ jobra lekagele hoyakana.

Philipiko lạgitʼ Pạul apostolakʼ ciṭhi 3:6

dhorom secʼte nonkan bạṛicʼ hoṛiń tahẽkana je, Mạsiyakʼ manḍerrenkoń khedetʼkokan tahẽkana; ar Isor samaṅre dhoromicʼ hoyokʼ reakʼ aste Moseyakʼ ạn-ạriko manaore okoe hõ bako dusiledińa.

Johan sodor 6:9

Ar mõṛẽakʼ mohor chape raṛayetʼ tahẽkanre iń do pinḍ latarre nonkan hoṛkoakʼ jiwikoń ńelkeda, one okoe do Isorakʼ katha ar goha iạteko gocʼ ocolen tahẽkan.

Bikʼcạrko 6:30

Ar onko do Joas ṭhen senkateko menkeda, “Amren hopon oḍok ạguiyem. Uni do gujukʼ hoyokʼtaea, ente Bakʼal debotawakʼ pinḍe rạputʼ giḍi akada ar Asera-muṭhạn hõe makʼ giḍi akada.”