Johan 16:19 - সান্তালী বাইবেল

¹⁹ Ado celako noa reaṅ kuliyeko menjoṅ kana menteye bujhạuketʼ khan Jisu do onkoe metatʼkoa, “Ińiń menakatʼ, ‘thoṛa ghạṛicʼ khange bape ńeleńa arhõ thoṛa ghạṛicʼ khangepe ńeleńa,’ noa reaṅge cetʼ ape talare bape kupulikʼ kana?

Santali Common Language New Testament

¹⁹ Ado celako noa reaṅ kuliyeko menjoṅ kana menteye bujhạuketʼ khan Jisu do onkoe metatʼkoa, “Ińiń menakatʼ, ‘thoṛa ghạṛicʼ khange bape ńeleńa arhõ thoṛa ghạṛicʼ khangepe ńeleńa,’ noa reaṅge cetʼ ape talare bape kupulikʼ kana?

Johan 16:19 Iomraidhean Croise

Mathae 6:8

Onko leka do alope onkaea, ente ape ạuripe koeyerege aperen Baba do apeakʼ sanam jạruṛakʼkoe baḍaekana.

Mathae 9:4

Jisu do onkoakʼ mon reakʼ hudisakʼkoe baḍaeketʼ khane metatʼkoa, “Mone monte bạṛicʼakʼ do cedakʼpe hudiseda?

Mark 9:32

Menkhan celako do Jisuakʼ katha reakʼ mane bako bujhạu daṛeada ar kuliye hõko botorena.

Johan 13:33

“E bachako, iń do ape tulucʼ ar thoṛa ghạṛicʼ minạńa. Ape do ińpe ńam baṛańạ, menkhan Jihudi mukhiyạko cetʼlekań metatʼko tahẽkan, ‘okateń calakʼkan onḍe do ohope sen daṛelena,’ onkage ape hõ ńitiń metapekana.

Johan 14:19

Ar thoṛa ghạṛicʼ khange dhạrtiren hoṛko do ar bako ńel ńameńa, menkhan ape dope ńeleńgea. Iń do jiwetʼge minạńte ape hõ jiwetʼpe tahena.

Johan 16:16

“Thoṛa ghạṛicʼ khange bape ńel ńameńa, arhõ thoṛa ghạṛicʼ khangepe ńeleńa.”

Johan 16:18

Ar one thoṛa ghạṛicʼ reakʼ kathae menetʼkan ona do cetʼ kana? Abo do babon bujhạu daṛeakʼ kana cetʼe meneda.”

Johan 16:23

Enhilokʼ ape do cetʼge bape kuliyińạ. Sạrigeń metapekana, iń ńutumte Baba ṭhen jãhãnakʼgepe koe uni do onae emapea.

Johan 16:26

Enhilokʼ ape do iń ńutumtepe koea, ar bạń meneda, ińge ape lạgitʼ Baba ṭheniń nehõrokʼa.

Johan 16:30

Nitokʼ dole bujhạu daṛeakʼkana, bin baḍaeakʼ do cetʼge bạnukʼtama, ar jãhãege jãhãnakʼe kulime ona reakʼ jạruṛ hõ bạnukʼtama. Ona iạtegele pạtiạukʼ kana am do Isor ṭhen khonem hecʼakana.”

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Johan 6:61

Jisu do acʼren celako noa reakʼ karacʼ kurujokʼkane bujhạuketʼkoa. Onate uni doe metatʼkoa, “Noa iạte cetʼ monrepe tạkijokʼ kana?

Johan 7:33

Jisui metatʼkoa, “Ape talare ḍher din do bạnuńa. Ona tayom okoeye kol akadiń uni ṭheniń ruạṛ calakʼa.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.