Johan 15:20 - সান্তালী বাইবেল

²⁰ Ińakʼ noa katha do alope hiṛińa, guti do acʼren kisạ̃ṛ khon bae maraṅa. Onate hoṛko iń gojeńko kurumuṭuyetʼ khan ape hõko onkapea; ar ińakʼ kathako ańjom khan apeakʼ katha hõko ańjoma.

Santali Common Language New Testament

²⁰ Ińakʼ noa katha do alope hiṛińa, guti do acʼren kisạ̃ṛ khon bae maraṅa. Onate hoṛko iń gojeńko kurumuṭuyetʼ khan ape hõko onkapea; ar ińakʼ kathako ańjom khan apeakʼ katha hõko ańjoma.

Johan 15:20 Iomraidhean Croise

Jeheskel 3:7

Menkhan Israelko do amakʼ katha bako ańjomtama, ente onko do ińakʼ katha ańjom lạgitʼ bako rebena; noa reakʼ karon do hoyokʼ kana, goṭa Israel jạtren hoṛ do kạṭhuạ ar keṭecʼ monan kanako.

Mathae 10:24

“Guru khon cela do bae maraṅa, ar kisạ̃ṛ khon golam hõ baṅ.

Mark 10:39

Metadeakin, “Hẽ daṛeakʼgea liń.” Unre Jisui metatʼkinạ, “Iń oka duk reakʼ bạṭireń ńũi aben hõ ona reaṅ ben ńũiya, ar oka bạptismań ataṅ, aben hõ ona ben ataṅa,

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭecʼ cinhại hoyokʼa, uni upạrte ḍher hoṛge kathako roṛa.

Luk 6:40

Cela do guru khon bae maraṅa, menkhan joto cecetʼakʼe ńamlere guru lekae hoyokʼa.

Johan 10:31

Unre Jihudi mukhiyạko do tińe lạgitʼ dhiriko halaṅkeda.

Johan 11:57

Maraṅ naekeko ar Phạrusiko doko hukumletʼ tahẽkana je, Jisu okare menaea mente jãhãegeye baḍaele khan uni do onkoe baḍae ocoko jemon onko do Jisuko sapʼ daṛeae.

Johan 13:16

Sạrigeń metapekana, guti do acʼren kisạ̃ṛ khon bae maraṅa. Ar kol ocoyicʼ hõ kokolicʼ khon bae maraṅa.

Johan 5:16

Jirạukʼ mãhãre Jisu do noakoe kạmiketʼte Jihudi mukhiyạko do goje lạgitʼko kurumuṭukeda.

Johan 7:32

Hoṛko Jisu reaṅko phasar phusuretʼkan ona do Phạrusikoko ańjomkeda. Unre maraṅ naekeko ar Phạrusiko do Jisu sabe lạgitʼ peadakoko kolketʼkoa.

Johan 8:51

Sạrigeń metapekana, jãhãege ińakʼ katha leka senokʼe menjoṅkan khan uni do tis hõ bae gujukʼa.”

Johan 8:52

Jihudi mukhiyạko do uniko metadea, “Ale do ńitokʼ sạrigele bujhạueda je, amre do bhut menaea. Abraham ar nạbiko hõko gocʼena, ar am dom meneda, ‘jãhãege ińakʼ katha lekae senokʼ uni do tis hõ bae gujukʼa.’ Am do cetʼ baba Abraham khon hõm maraṅgea?

1 Korinthiko 4:12

ale do nij titele kạmikana arle khaṭaokʼ kana; ar hoṛkoko ruhetʼetʼlere hõ onko dole bhorako kana, arle khed ocokʼkanre hõ ale dole sahaoetʼ kana;

2 Korinthiko 4:9

khed ocokʼ kanrehõle Isor do bae bạgi giḍiale kana; arle kaṛgo bindạṛ ocokʼkanre hõ bale marao akana.

1 Thessalonikikko 2:15

Onko Jihudikoge Probhu Jisu ar nạbikoko gocʼ letʼkoa, ar ale hõko khedletʼlea. Onko do Isorko monduk ocoakadea, ar sanam manwako cetanre bạiri mon menakʼtakoa.

2Timothi 3:12

Okoe Mạsi Jisu tulucʼ joṛao mitʼkate Isor bhoktite din khemaoko menjoṅkan onko do jotogeko khed ocokʼa.

1 Samuel 8:7

Unre Probhu Isor do uniye metadea, “Hoṛ okako metamkan onage onkaeme. Ente am do bako nihạ̃t giḍi akatʼmea, menkhan onko do ińgeko nihạ̃t giḍi akadińạ jemon onko cetanre aloń rajokʼ.