Johan 15:16 - সান্তালী বাইবেল

¹⁶ Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Santali Common Language New Testament

¹⁶ Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 15:16 Iomraidhean Croise

Genesis 18:18

Abraham ar uni bõsren hoṛko khonge coṅ mitʼṭecʼ maraṅ daṛean jạtrenkoń sirjạuko ar onko iạtege coṅ dhạrtiren sanam jạtrenko ma bhorko ńam.

Sereńko 145:4

Mitʼ piṛhiren do eṭakʼ piṛhiren hoṛko ṭhen amakʼ kạmi reakʼko sarhao sereńa; onko do amakʼ daṛeanakʼ kạmi reakʼ kathako lại jạhira.

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

Kạhtukko 11:30

Dhorom hoṛ do eṭakʼkoakʼ jion dare leka; ar okoe eṭakʼkoakʼ mone jitạu akatʼ uni doe ạkilanicʼ kana.

Jesaea 27:6

Hijukʼkan dinkore Jakob doe rehedokʼa, ar Israel doe bahakʼa ar sagenokʼa ar goṭa dhạrti do joteye pereja.”

Mikạ 5:7

Jạt jạtrenko talare Jakobren bańcao tahen hoṛ do Probhu Isor ṭhen khonakʼ sisir dakʼ leka, ar ghãs cetanre achaṛ dakʼ lekage one ona do hoṛ bae tạṅgiko, ar baṅ do manwa hoponkoe koyokʼ horko.

Mathae 21:22

Ape do jãhãnakʼge pạtiạukatepe koe enḍekhan ona dope ńamgea.”

Mathae 7:7

“Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Luk 6:13

Ado setakʼen khan acʼren celako acʼ ṭhene hohoatʼkoa ar onko mod khon gelbar hoṛe bachaoketʼkote apostol hudại ematʼkoa.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Johan 15:19

Ape do noa dhạrtirenpe hoylen khan enḍekhan hoṛko do apnarren menteko dulạṛkepea. Menkhan noa dhạrtiren dope baṅkana, bickom iń do dhạrti khoniń bachao akatʼpete dhạrtiren hoṛko apeko kurudape kana.

Johan 15:5

“Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniyakʼ jionre do ạḍi joe jokʼa, ente iń begor ape do cetʼ hõ bape ceka daṛeakʼa.

Johan 6:70

Unre Jisu do onkoe metatʼkoa, “Ape gelbarkoge cetʼ bạń bachao akatʼpea? Menkhan ape modre mitʼṭen bạiri menaea.”

Aposkạmi 1:24

Ona tayom onko do noa menkateko koekeda, “E Probhu Isor am do joto hoṛakʼ ontorem baḍaekana. Jihudạ hõ acʼakʼ sạjại iạte apostol kạmiye aṛakʼ giḍikeda. Onate ńitokʼ nukin bar hoṛ mod khon ona hudạ lạgitʼ okoeṭakʼem bachao akawan uni baṛe udukʼ aleme.”

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Aposkạmi 10:41

Menkhan sanamko do bako ńelledea, eken okoe gohako Isor do lahareye bachao dohoakatʼko tahẽkan onkogeko ńelledea, metakʼme gocʼko khon jiwetʼ beretʼ tayom ale do uni sãotele jom-ńũleda ar alege unile ńelledea.

Aposkạmi 22:14

“Unre Ananiạse menkeda, ‘aboren hapṛamkoren Isor do ame bachao akatʼmea jemon uniyakʼ sanakom baḍae daṛeakʼ ar uni dhoromicʼ hoṛ, metakʼme Jisu Mạsim ńel ńame ar uniyakʼ katham ańjomtae.

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Romiko lạgitʼ Pạul Apostolakʼ ciṭhi 1:13

E boehako, noa katha baḍaepe, ḍher dhao ape ṭhen calakʼ sanaledińre hõ ńit hạbicʼ akoṭakʼko do hecʼạń kangea. Cetʼleka eṭakʼ eṭakʼ jaegakore boṅgan hoṛ jạtrenko talare porcarkate jo iń ńamakatʼ, onkage apeko talare hõ thoṛa jo ńam reakʼ aste ape ṭhen calakʼ iń menjoṅ kana.

Romiko lạgitʼ Pạul Apostolakʼ ciṭhi 1:5

Uni hotete ar uniyakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

Romiko lạgitʼ Pạul Apostolakʼ ciṭhi 9:21

Kuṅkạl do inạ hasa ḍhimbạ khonge mitʼ bhajan do manotakʼ lạgitʼ ar eṭagakʼ do bemanotakʼ lạgitʼ benao reakʼ ektiạri do cetʼ bạnukʼtaea?

1 Korinthiko 10:11

Eṭakʼ hoṛko jemon ńelkateko cetʼ daṛeakʼ onate onko cetanre noako do hoylena. Okoe jug reakʼ mucạtʼre bon seṭerakan, abo cehao bon lạgitʼge noako do olakana.

Galathiko lạgitʼ Pạul Apostolakʼ ciṭhi 1:15

Menkhan Isor do janam khongeye bachao doho akadiń tahẽkana ar uniyakʼ dayatege apostol hoyokʼ lạgitʼe hohoakadińạ.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnao idikʼkante jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼkana.

1Timothi 2:7

ar noa goha emokʼ lạgitʼ Isor do lại jạhiricʼ, apostol ar boṅgan hoṛ jạtrenko ṭhen biswạs ar sạriạkʼren cecetʼicʼe bahal akadińạ. Iń do sạriyakʼgeń roṛeda, eṛe do baṅ.

2Timothi 1:11

Ar noa bhage sombat lạgitʼge uni do jạhiricʼ, apostol ar cecetʼicʼ menteye bahal akadińạ.

2Timothi 2:2

Aema gohako talare ińakʼ mocate okako cecetʼakʼem ańjomakatʼ ona sapʼ dohoy lạgitʼ am do nonkan hoṛko jimạwakome one okoe do eṭakʼko hõko cetʼ daṛeako.

Titus lạgitʼ Pạul Apostolakʼ ciṭhi 1:5

Kret dipre okaṭakʼ kạmi ńit hõ ạuri sạtokʼ ona sạt lạgitʼge iń do amiń doho oṭoakatʼmea. Ar ińiń hukum akatʼme leka mitʼke mitʼ nagraha reakʼ manḍerkore maraṅ mukhiyạko do kạmirem bahalkoa.

Ibriko 11:4

Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniyakʼ dãṛẽ aṅgockate uni reaṅ noa gohae emleda je, uni doe dhoromgea mente. Habele gocʼ akanre hõ enhõ uniyakʼ biswạs hotetege uni do ńit hõ kathae roṛeda.

Jakob 3:18

Okoe sulukokʼ lạgitʼko kurumuṭukan onko do sulukte itạko ereda ar ona reakʼ jo do hoyokʼ kana dhorom jionge.

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

1 Patras 3:2

ente onko do akotege apeakʼ sonot jion ar Isor secʼ bhoktiko ńel ńama.

1 Johan 4:10

Isor do abogebon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.

1 Johan 4:19

Uni do pạhilre aboe dulạṛ maṛaṅ ketʼbontege abo hõ uni bon dulạṛede kana.