Johan 15:12 - সান্তালী বাইবেল

¹² Ińakʼ hukum do nõkʼõe, cetʼlekań dulạṛakatʼpe onkage ape hõ dupulạṛpe.

Santali Common Language New Testament

¹² Ińakʼ hukum do nõkʼõe, cetʼlekań dulạṛakatʼpe onkage ape hõ dupulạṛpe.

Johan 15:12 Iomraidhean Croise

Malaki 1:2

Probhu Isore meneda, “Iń do apeń dulạṛ akatʼpea, ” Menkhan apepe meneda, “Am do oka lekam dulạṛketʼlea” Probhu Isor doe roṛ ruạṛakeda, “Esao do cetʼ Jakobren boeha bae tahẽkana? Enhõ Jakob iń dulạṛkedea menkhan Esao do bạń moneyadea. Ińge uniyakʼ burukoń jarkharketʼtaea ar uniyakʼ ṭhạ̃i do hahaṅkarren toyokoakʼ iń hoyoco akada.”

Johan 13:34

Mitʼṭecʼ nãwã hukumiń emape kana dupulạṛpe. Cetʼleka iń do apeń dulạṛ akatʼpe onkage ape hõ dupulạṛpe.

Johan 15:17

Iń do noa hukumiń emapekana, jemonpe dupulạṛ.

Romiko lạgitʼ Pạul Apostolakʼ ciṭhi 12:10

Ape ape talare boeha leka dupulạṛpe. Ar apnar khon eṭakʼko bạ̃ṛti manotkope.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

1 Thessalonikikko 3:12

Ale cetʼlekale dulạṛetʼpe ṭhik onkage Probhu Isor hõ ape mimitʼkore jemon dulạṛe baḍhao ocoyte sareṛokʼtape.

1 Thessalonikikko 4:9

Boeha dulạṛ reaṅ olape do jãhãn jạruṛ bạnukʼtińạ, ente Isorge ape mimitʼko dupulạṛokʼe cetʼ akawatʼpea.

2 Thessalonikiko 1:3

E boehako, ape ńutumte jao okte Isor gun manao johar emae lek kantalea. Apeakʼ pạtiạu do ạḍitetʼ baḍhao idikʼ kana ar ape mimitʼkoakʼ dulạṛ ape apere sahre idikʼkante ale do sarhao emokʼ lek kantalea.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.

1 Patras 4:8

Sanam khon maraṅ katha do hoyokʼkana, ape apere khạndri dupulạṛ baṛe tahentape ma, ente dupulạṛ do ạḍi utạr kạiye dapala.

1 Johan 3:23

Uniyakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe em oṭoakatʼ bona.

1 Johan 4:21

Uni ṭhen khon noa hukum bon ńam akada, okoe Isorko dulạṛ edekan onko do boehako hõ jemonko dulạṛko.

2 Johan 1:5

Abo mimitʼko jemon bon dupulạṛ, noage am ṭhen ińakʼ nehõr do. E dulạṛiạ miseratiń, okań oletʼkan ona do jãhãn nãwã hukum do baṅkana, bickom noa hukum do pạhil khonge bon ńam akada.