Johan 14:17 - সান্তালী বাইবেল

¹⁷ Uni sohotʼicʼ kangeae sạriyakʼren Jiu do. Dhạrtiren hoṛko uni do ohoko ataṅ daṛelea, ente onko do ńelhõ bako ńelekana ar baḍae hõ bako baḍae akadea. Menkhan ape dope baḍae akadea, ente uni do ape são sãoteye tahẽkana ar apeakʼ ontorreye girobasokʼa.

Santali Common Language New Testament

¹⁷ Uni sohotʼicʼ kangeae sạriakʼren Jiu do. Dhạrtiren hoṛko uni do ohoko ataṅ daṛelea, ente onko do ńelhõ bako ńelekana ar baḍae hõ bako baḍae akadea. Menkhan ape dope baḍae akadea, ente uni do ape são sãoteye tahẽkana ar apeakʼ ontorreye girobasokʼa.

Johan 14:17 Iomraidhean Croise

Kạhtukko 14:10

Mon do apnarakʼ haṛhatʼe baḍaekana; menkhan am ar iń do ona reakʼ rạskạre balaṅ seletʼ daṛeakʼa .

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Jeheskel 36:27

Apere ińren Jiu iń bạisạuapea ar nonkań hoyocopea jemon ińakʼ sanam niạmpe manaotiń. Onate ape do ińakʼ ạn-ạṛikope moneyakʼa.

Mathae 10:20

Ape do roroṛko dope baṅkana, menkhan aperen Baba Isorren Jiuge ape bhitrite kathae roṛa.

Johan 14:16

Iń do Baba ṭheniń koeapea, ar uni do jaejug hạbicʼ mitʼṭen sohotʼicʼe kolapea.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Johan 15:26

“Okoe sohotʼicʼ Baba ṭhen khoniń kolape, uniye hecʼlenre unige iń reaṅ gohae ema. Uni doe hoyokʼ kana sạriyakʼren Jiu one okoe do Baba ṭhen khone hijukʼkan.

Johan 16:13

Menkhan uni sạriyakʼren Jiu tinreye hijukʼa unre uni do hore udukʼapete sạriyakʼreye ạyurpea. Uni do acʼte bae roṛa, menkhan okaṭakʼe ańjom onageye roṛa ar okaṭakʼ hoyokʼ lạgidokʼ ona hõe baḍae ocopea.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

1 Korinthiko 14:15

Enḍekhan cetʼ cekae jạruṛtińạ? Iń do Jiuteń koejoṅa, ar ạkilte hõń koejoṅa; ar Jiuteń sereńa ar ạkilte hõń sereńa.

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhateakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.

1 Korinthiko 3:16

Ape do cetʼ bape baḍaea, ape do Isorakʼ mundil kanape ar Isorren Jiu do apeakʼ ontorreye girobasokʼ kana mente?

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

2 Korinthiko 13:5

Apnarge biḍạu aṭkarokʼpe, Mạsire sạri biswạs menakʼtapea se baṅ. Apnarge biḍạu sạbudokʼpe. Ape do cetʼ bape bujhạueda, Jisu Mạsi do apeakʼ ontorre menaea mente? Ar sạbudokʼre belek mente alope ṭarhaokʼa.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

Ephesiko lạgitʼ Pạul Apostolakʼ ciṭhi 2:22

Ape do uni tulucʼgepe kolom mitʼakana ar onate ape hõ mitʼ sãotepe gathao rakapʼ ocokʼkana, jemon sonot Jiu hotete Isorakʼ mundilpe hoydaṛeakʼ.

Ephesiko lạgitʼ Pạul Apostolakʼ ciṭhi 3:17

ar biswạs hotete Mạsi do apeakʼ monre purạte girobas akane tahen. Iń do arhoń koeyeda jemon Mạsiyakʼ dulạṛre rehetʼ ar bạisạu akanpe tahen,

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

2Timothi 1:14

Isor okaṭakʼ rukhiyại lạgitʼe emakawatʼme ona horho dohoakae tahenme, okoe aboreye girobasokʼkan uni sonot Jiu hotete.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

1 Johan 3:24

Okoe uniyakʼ hukume bataoetʼkan uni do unireye tahenkana ar acʼ hõ unireye tahenkana. Ar okoeṭakʼ sonot Jiue emakatʼ bon uni sonot Jiu hotete bon bujhạu daṛeakʼa, uni do aboakʼ ontorreye tahenkana mente.

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

1 Johan 4:6

Abo do Isorren kana bon; okoe Isore baḍae akade uni do aboakʼ kathae ańjoma, menkhan okoe Isorrene baṅkan uni do aboakʼ katha bae ańjoma. Ar noatege abo do sạriyakʼren Jiu ar bukʼlạuren jiu bon orom daṛeaea.

1 Johan 5:7

Sonot Jiu, dakʼ ar mãyãm, noa pea talate ona goha do hijukʼkana ar ona pene goha do mitʼgea.

Johan sodor 2:17

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana. Ar okoeye jitạukʼ uni do okoakatʼ Manna khon thoṛa Manna ar mitʼṭecʼ ponḍ dhiriń emaea. Ona dhiri cetanre mitʼṭecʼ nãwã ńutum ol tahena one okoehõ ona do bako baḍaekan, eken okoe onae ńam unigeye baḍae daṛeakʼa.