Johan 14:13 - সান্তালী বাইবেল

¹³ Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

Santali Common Language New Testament

¹³ Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

Johan 14:13 Iomraidhean Croise

Mathae 21:22

Ape do jãhãnakʼge pạtiạukatepe koe enḍekhan ona dope ńamgea.”

Mathae 7:7

“Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Mark 11:24

Onateń metapekana, jãhãnakʼgepe koe arpe khoj, pạtiạukʼpe ape do onape ńam akada, ar ape lạgitʼ ona do hoyokʼgea.

Luk 11:9

“Onateń metapekana, koepe ado emapea; ńam baṛaepe adope ńama; ṭhopʼ ṭhoppe ado jhicʼapea.

Johan 10:30

“Iń ar Baba doliń mitʼgea.”

Johan 12:44

Jisu do ãṭ aṛaṅteye menkeda, “Okoe ińreye pạtiạukʼkan uni do eken ińre do baṅ bickom okoeye kol akadiń unire hõe pạtiạukʼkana.

Johan 13:31

Ado Jihudạ bahreteye calaoen khan Jisui menkeda, “Manwa Hoponakʼ ṭhonokokʼ reakʼ okte do seṭerena ar unire Isorakʼ ṭhonok do sodorokʼa.

Johan 14:14

Iń ńutumte jãhãnakʼgepe koe enḍekhan onań onkaea.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Johan 16:23

Enhilokʼ ape do cetʼge bape kuliyińạ. Sạrigeń metapekana, iń ńutumte Baba ṭhen jãhãnakʼgepe koe uni do onae emapea.

Johan 16:26

Enhilokʼ ape do iń ńutumtepe koea, ar bạń meneda, ińge ape lạgitʼ Baba ṭheniń nehõrokʼa.

Johan 16:7

Enre hõ sạri kathageń lạiyape kana, ińakʼ calakʼ do ape lạgitʼ bhagegea, ente bạń senlen khan uni sohotʼicʼ do ape ṭhen bae hijukʼa. Menkhan ińiń senlenre uni do ape ṭheniń kolea.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Johan 7:37

Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

1 Korinthiko 14:13

Onate jãhãe hoṛ eṭakʼ pạrsite kathae roṛetʼ khan uni doe koejoṅma jemon ona reakʼ maneye bujhạu daṛeako.

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

Ephesiko lạgitʼ Pạul Apostolakʼ ciṭhi 3:14

Serma ar dhạrtiren sanam jiwiyanko modre mitʼke mitʼ gusṭiren okoe do uniren hopon menteko ńumogokʼkan uni Baba samaṅre iń doń ikṛumokʼkana.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiyakʼ onako bon kạmi.

1 Johan 5:14

Isorre aboakʼ khạṭitetʼ do noage, uniyakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.