Johan 13:21 - সান্তালী বাইবেল

²¹ Ado noako katha menkate Jisu do jiwireye khad badaoena. Uni do pusṭạuteye menkeda, “Sạrigeń metapekana, ape modren mitʼ hoṛ bạirikoakʼ tireye soprotińạ.”

Santali Common Language New Testament

²¹ Ado noako katha menkate Jisu do jiwireye khad badaoena. Uni do pusṭạuteye menkeda, “Sạrigeń metapekana, ape modren mitʼ hoṛ bạirikoakʼ tireye soprotińạ.”

Johan 13:21 Iomraidhean Croise

Mathae 26:21

Arko jojomkan tahẽkanre uni doe metatʼkoa, “Sạrigeń metapekana, ape modre mitʼ hoṛ do bạirikoakʼ tireye soprotińạ.”

Mathae 26:38

Uniye metatʼkoa, “Gujukʼ dạkhil jiwi lokʼkantińa. Ape do onḍege tahẽ hataṛokʼpe ar iń tulucʼ jagwar akae tahenpe.”

Mark 14:18

Ado jojomko duṛupʼ akan tahẽkanre Jisui metatʼkoa, “Sạrigeń metapekana, ape modre mitʼ hoṛe soprotińa, uni do iń tulucʼ jojomkanicʼge.”

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Johan 11:33

Jisu do Mạriạm ar uni soṅgeteko hecʼakan Jihudiko rarakʼkane ńelketʼko khan jiwireye kạulạ kạuliyena.

Johan 11:35

Unre Jisui rakʼkeda.

Johan 11:38

Noate Jisuakʼ mon do arhõ kạulạ kạuliyentaea ar topa ṭhene calaoena. Topa do mitʼṭecʼ dander tahẽkana. Ar ona dander duạrre mitʼṭecʼ dhiri doho akan tahẽkana.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Johan 13:2

Unre kedokʼ jokhecʼ Soetan do Simon hopon Jihudạ Iskariotakʼ monre bạirikoakʼ tire Jisu soprote lạgitʼ sanae rakapʼ ocoletʼtaea.

Johan 13:22

Jisu okoeyakʼ kathae meneda ona bako bujhạu daṛeatʼte celako do ako akoreko beṅgetʼ baṛawana.

Aposkạmi 17:16

Pạul do Athens nagrahare Silạs ar Timothiye tạṅgiyetʼkin tahẽkanre ona nagraha do boṅga murtikote perecʼ akane ńelkeda. Onate uniyakʼ mon do ạḍi jal jalaoentaea.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.