Johan 13:18 - সান্তালী বাইবেল

¹⁸ Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Santali Common Language New Testament

¹⁸ Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń birudre jaṅgae tulketʼtaea.’

Johan 13:18 Iomraidhean Croise

Sereńko 41:9

Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.

Mathae 10:36

Ar hoṛren bạiri do acʼ gharońjren hoṛgeko hoyokʼtaea.

Mathae 26:21

Arko jojomkan tahẽkanre uni doe metatʼkoa, “Sạrigeń metapekana, ape modre mitʼ hoṛ do bạirikoakʼ tireye soprotińạ.”

Mathae 26:23

Uniye roṛ ruạratʼkoa, “Iń tulucʼ bạṭire okoe tiye topoyetʼkan unige iń doe soprotińạ.

Mark 14:17

Ar ạyupʼen khan Jisu do gelbar celako sãote onḍeye calaoena.

Mark 14:18

Ado jojomko duṛupʼ akan tahẽkanre Jisui metatʼkoa, “Sạrigeń metapekana, ape modre mitʼ hoṛe soprotińa, uni do iń tulucʼ jojomkanicʼge.”

Mark 14:20

Jisui metatʼkoa, “Uni do gelbarko modren mitʼ hoṛge, okoe do iń tulucʼ bạṭire piṭhại topoyetʼkan.

Luk 22:21

Ńelpe, okoe ińe soprotiń uniyakʼ ti hõ ińakʼ ti sãote noa mejre menakʼa.

Johan 13:21

Ado noako katha menkate Jisu do jiwireye khad badaoena. Uni do pusṭạuteye menkeda, “Sạrigeń metapekana, ape modren mitʼ hoṛ bạirikoakʼ tireye soprotińạ.”

Johan 13:22

Jisu okoeyakʼ kathae meneda ona bako bujhạu daṛeatʼte celako do ako akoreko beṅgetʼ baṛawana.

Johan 13:26

Jisui roṛ ruạṛkeda, “Noa piṭhạ kecakʼ bạṭire topokate okoeyiń emae unikangeae uni hoṛ do.” Ado piṭhạ kecakʼ bạṭire topokate Simon Iskariotren hopon Jihudại emadea.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 15:19

Ape do noa dhạrtirenpe hoylen khan enḍekhan hoṛko do apnarren menteko dulạṛkepea. Menkhan noa dhạrtiren dope baṅkana, bickom iń do dhạrti khoniń bachao akatʼpete dhạrtiren hoṛko apeko kurudape kana.

Johan 15:25

Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeyakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

Johan 18:32

Jisu do cetʼleka gujukʼ hoyokʼtaea ona do laharegeye lạiletʼa. Noa do hoyena uniyakʼ ona katha jemon purạukʼ.

Johan 19:24

Ona ńelte palṭonko do akoreko menjoṅana, “Noa do babon oṛeja bickom gulibãṭkate bon ńela okoeyakʼ hoyokʼa mente.” Noa do hoyena sonot sostor reakʼ katha jemon purạukʼ, Onko do ako talare ińakʼ kicricʼko hạṭińana, ińakʼ aṅgrop doko gulibãṭkeda. Ar palṭonko do sạrigeko onkakeda.

Johan 19:36

Noa do hoyena sonot sostor reakʼ katha jemon purạukʼ, “Uniyakʼ do mitʼṭen jaṅ hõ baṅ rạpudokʼtaea.”

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Johan 6:70

Unre Jisu do onkoe metatʼkoa, “Ape gelbarkoge cetʼ bạń bachao akatʼpea? Menkhan ape modre mitʼṭen bạiri menaea.”

Aposkạmi 1:16

“E boehako, ḍher din lahare sonot Jiu do Dạud rajakʼ mocate Jihudạ reaṅ oka kathae roṛletʼ, sonot sostor reakʼ ona katha do purạukʼ reakʼ jạruṛ tahẽkana. Ar okoeko Jisuko sapʼlede, onko do uni Jihudạge hore udukʼatʼko tahẽkana.

2 Korinthiko 4:5

Ale apnar reaṅ do bale porcareda, bickom Jisu Mạsi doe Probhu kana mentele porcarede kana ar Jisu lạgitʼge aperen golamle hoyakana.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.