Johan 12:23 - সান্তালী বাইবেল

²³ Unre Jisu do Andreas ar Philipe metatʼkinạ, “Manwa Hopon do ṭhonok sodorokʼ reakʼ okte seṭer akantaea.

Santali Common Language New Testament

²³ Unre Jisu do Andreas ar Philipe metatʼkinạ, “Manwa Hopon do ṭhonok sodorokʼ reakʼ okte seṭer akanataea.

Johan 12:23 Iomraidhean Croise

Jesaea 55:5

Sạrige, ape do boṅgan hoṛ jạtrenkope hohoakoa, okoe do bako oromakatʼpe, onko do ape ṭhenko ńir hijukʼa. Aperen Probhu Isor, Israelren uni sonoticʼ lạgitʼge onko doko hijukʼa, ente uni do apeye ṭhonok ocoakatʼpea.”

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 26:45

Ar celako ṭhen hecʼkateye metatʼkoa, “Ape do ńit hõpe jạpitʼ jirạu joṅkana? Ńelpe, okte do seṭerena; Manwa Hopon do kại hoṛkoakʼ tireko soprotea.

Mark 14:35

Ona tayom uni do lahańokʼ senkate otre taberenteye koekeda jemon ona ghuṛi hoydaṛeakʼ khan acʼ ṭhen khon ocogokʼ.

Mark 14:41

Ado tesar dhao ruạṛ hecʼkateye metatʼkoa, “Ńitokʼ hõpe jạpitʼ akatʼgea? Ḍher hoyakana. Ńelpe, okte do seṭerena. Ńitge Manwa Hopon do kại hoṛkoakʼ tireye soprot ocokʼa.

Johan 12:16

Jisuren celako do pạhilre noako bako bujhạu daṛeada. Ado tinre Jisuakʼ ṭhonok sodorena unre onko doko disạkeda sonot sostor reakʼ ona katha do Jisu reaṅge olakan tahẽkana mente. Onko do arhõ disạ hecʼatʼkoa hoṛko do Jisu lạgitʼgeko onkaleda.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.