Johan 12:2 - সান্তালী বাইবেল

² Onḍe onko do Jisu lạgitʼ jomakʼko tearkeda. Ar Martha doe sapʼsorako kan tahẽkana. Ar okoeko Jisu tulucʼ jojomko duṛupʼ akan tahẽkan onko modre Lasar hõe tahẽkana.

Santali Common Language New Testament

² Onḍe onko do Jisu lạgitʼ jomakʼko tearkeda. Ar Martha doe sapʼsorako kan tahẽkana. Ar okoeko Jisu tulucʼ jojomko duṛupʼ akan tahẽkan onko modre Lasar hõe tahẽkana.

Johan 12:2 Iomraidhean Croise

Soros sereń 4:16

Ebhenokʼme E utạr hoe ar dela hijukʼme E dạkhin reakʼ hoe. Aben do ińakʼ bagwan cetante hoe ben jemon ona reakʼ so do mahkao oḍokokʼ. Ińren dulạṛiạ do acʼakʼ bagwanre hecʼkate ona reakʼ bhage bhage jo ko baṛeye jomma.

Mathae 26:6

Jisu do Bethaniạre murhucʼ jom rugi Simonakʼ oṛakʼreye tahẽkanre mitʼṭen maejiu do uni ṭhene hecʼena.

Mark 14:3

Unre Jisu do Bethaniạren murhucʼ jom rugi Simonakʼ oṛakʼreye tahẽkana. Ado jojome duṛupʼ akan tahẽkanre mitʼṭen maejiu do ponḍ dhiri cukạkʼre ạḍi daman jaṭamaṅsi sunumanteye hecʼena. Ar cukạkʼ rạputʼkate uni do Jisuakʼ bohokʼre ona sunume dulkeda.

Luk 12:37

Bhạgangeako onko guti do, one okoe do jagwar tahene hecʼ ńamko. Sạrigeń metapekana, uni kisạ̃ṛ do ḍanḍare kicricʼe paṭhekʼte onkoe duṛupʼ ocokoa ar hecʼkate acʼgeye jom ocokoa.

Luk 14:12

Ado neota akadeyicʼ hõe metadea, “Am do jom ńũi reakʼem sapṛaolere, se bhojem tearlere amren gateko se boehako se peṛa pạrbhạko se aḍe paseren kisạ̃ṛ hoṛko do alom neotakoa. Arem onka lekhan onko hõ amko neotamete amakʼ neotako hala ruạṛkatama.

Luk 22:27

Okoeṭakʼe maraṅa, jojom duṛupʼ akanicʼ se sapʼsosoricʼ guti? Uni jojom duṛupʼ akanicʼge cetʼ baṅa? Menkhan iń do apeko talare sapʼsosoricʼ lekań hoyakana.

Luk 5:29

Tayomte Lewi do acʼakʼ oṛakʼre Jisu lạgitʼ maraṅ okocʼe bhojkeda. Ar onko soṅgete ạḍi utạr mạsul uṭhạuko ar eṭakʼko hõ jojomko duṛupʼena.

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.