Johan 12:13 - সান্তালী বাইবেল

¹³ Unre onko do khijur ḍạr sapʼkate daram ạguiye lạgitʼko oḍok calaoena ar ãṭ aṛaṅte hohowate memenko ehopʼena, “Hosanna, bhorangeae Probhu Isor ńutumte daraekạnicʼ, Israelkoren raj do.”

Santali Common Language New Testament

¹³ Unre onko do khijur ḍạr sapʼkate daram ạguye lạgitʼko oḍok calaoena ar ãṭ aṛaṅte hohoate memenko ehopʼena, “Hosanna, bhorangeae Probhu ńutumte daraekạnicʼ, Israelkoren raj do.”

Johan 12:13 Iomraidhean Croise

Jesaea 44:6

Probhu Isor, okoe do Israelren raj are babańcaoicʼ kan, okoe doe phạdkoren Probhu Isor kan, uni do niạ kathae meneda, “Ińge pạhilicʼ ar Ińge sesicʼ; iń chaḍa ar cele Isorge bạnukʼkoa.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Levitikus 23:40

Pạhilakʼ dinre ape lạgitʼ dare reakʼ joto khon bhageakʼ jo, khijur sakam, suṛukucʼ dareko ar jhạṛpạ dareko reakʼ ḍạrkope ạguiya. Ona tayom eae din ape do aperen Probhu Isor samaṅrepe rạskạ hulạsokʼa.

Sephaniạ 3:15

Probhu Isor do amakʼ sạjạiye sạṅgiń giḍiakada, uni do amren bạirikoe laga ńir akatʼkoa. Israelren raj Probhu Isor do am talare menaea; am do ar tishõ bin bhạlạiyakʼ do alom botorakʼa.

Mathae 23:39

Ińiń metapekana, tin hạbicʼ ạuripe men ‘Bhorangeae Probhu Isor ńutumte daraekanicʼ do’ unhạbicʼ ape do ar bape ńel ńameńa.”

Mathae 27:42

“Uni do eṭakʼkoe bańcaoetʼko tahẽkana; acʼ do bae bańcao daṛeakʼkana; Israelkoren raj kanae men khan, ńitokʼ kurus khone pheḍ hijukʼma. Enḍekhan ale hõ unirele pạtiạukʼa.

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Johan 12:14

Sonot sostor reakʼ katha leka Jisu do mitʼṭen gadha hopone ńamkedete unireye decʼena. Sostorre olakan leka,

Johan 12:15

“E Sionren kuṛi, alom botorokʼa. Ńelme, amren raj do gadha hoponre decʼkateye hijukʼkana.”

Johan 19:15

Onate onko do ãṭ aṛaṅte hohowateko menkeda, “Idiyem, idiyem ar kurus kaeme.” Pilạte metatʼkoa, “Aperen raj do cetʼ ińiń kuruskaea?” Maraṅ naekeko roṛ ruạṛadea, “Kạisạr chaḍa aleren do ar cele raj hõ bạnukʼkoa.”

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Johan sodor 7:9

Inạ tayom sanam jạtrenko, bõsrenko, disạmrenko ar pạrsirenko modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.