Johan 11:47 - সান্তালী বাইবেল

⁴⁷ Unre maraṅ naekeko ar Phạrusiko do maraṅ bạisiren hoṛkoko jarwaketʼkoteko metatʼkoa, “Ńitokʼ do cetʼ bo cekaea? Nui hoṛ do ạḍi utạr hahaṛa kạmikoe kạmikana.

Santali Common Language New Testament

⁴⁷ Unre maraṅ naekeko ar Phạrusiko do maraṅ bạisiren hoṛkoko jarwaketʼkoteko metatʼkoa, “Ńitokʼ do cetʼ bo cekaea? Nui hoṛ do ạḍi utạr hahaṛa kạmikoe kạmi kana.

Johan 11:47 Iomraidhean Croise

Mathae 26:3

Unre maraṅ naekeko ar Jihudikoren murubbiko do Kaeaphako metae maraṅ naekeakʼ oṛakʼreko jarwa mitʼena, ar Jisu hape hapete sapʼkate goje reakʼ phundiko aṭaokeda.

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Mark 14:1

Unre sen parom porob ar bin khạmiyanakʼ piṭhạ porob do ar bar din bạki tahẽkana. Ar maraṅ naekeko ar sostor baḍaeko do Jisu hape hapete sapʼkate goje reakʼ ạtko ńam baṛayetʼ tahẽkana.

Luk 22:2

Ar maraṅ naekeko ar sostor baḍaeko do hape hapete Jisu goje reakʼ ạtko ńam baṛayetʼ tahẽkana, ente onko do disạm hoṛko botorako kan tahẽkana.

Johan 11:57

Maraṅ naekeko ar Phạrusiko doko hukumletʼ tahẽkana je, Jisu okare menaea mente jãhãegeye baḍaele khan uni do onkoe baḍae ocoko jemon onko do Jisuko sapʼ daṛeae.

Johan 12:19

Noa ńelte Phạrusiko do ako akoreko men joṅana, “Aboakʼ do cetʼ labge baṅ hoyokʼkana. Ente ńelpe, goṭa dhạrtirenko do uniyakʼ dolteko calaoena.”

Johan 2:11

Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.

Johan 6:2

Ar ạḍi utạr hoṛ do Jisuko pańja idikedea, ente rugiko cetanre cinhạ kạmi lekate okako hahaṛa kạmiye kạmi akatʼ tahẽkan onko do onakoko ńelakatʼ tahẽkana.

Johan 7:32

Hoṛko Jisu reaṅko phasar phusuretʼkan ona do Phạrusikoko ańjomkeda. Unre maraṅ naekeko ar Phạrusiko do Jisu sabe lạgitʼ peadakoko kolketʼkoa.

Johan 7:45

Ar okoe peadakoko kol ocolen onko do maraṅ naeke ar Phạrusiko ṭhenko ruạṛ hecʼen khanko kuli ocoyena, “Uni do cedakʼ bape ạguledea?”

Aposkạmi 5:21

Onko do ona katha lekage ạḍi setakʼre mundilteko boloyena ar hoṛko lại cetʼakoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubbiko dolren jotoko hoho jarwaketʼkoa. Ona tayom apostolko ạguko lạgitʼ adom kạmiyạkoko kolketʼkoa.

Aposkạmi 5:24

Noa katha ańjomkate mundilren maraṅ kạmiạyicʼ ar maraṅ naekeko doko andesaleyena ar cetʼ coṅ hoyokʼa nahakʼ mente hudisokʼko ehopʼena.