Johan 11:42 - সান্তালী বাইবেল

⁴² Ińiń baḍaea am do jaoge ińakʼ katham ańjometʼtińa. Menkhan okoeko hoṛ beṛhaeteko teṅgo akan onko jemonko pạtiạukʼ amem kol akadińạ mente, ar onatege noa katha doń menkeda.

Santali Common Language New Testament

⁴² Ińiń baḍaea am do jaoge ińakʼ katham ańjometʼtińa. Menkhan okoeko hoṛ beṛhaeteko teṅgo akan onko jemonko pạtiạukʼ amem kolakadińạ mente, ar onatege noa katha doń menkeda.

Johan 11:42 Iomraidhean Croise

Mathae 26:53

Am do cetʼ bam moneyakʼ kana, ińren Babań hohoae khan ńitge hajar hajar serma goḍetko cetʼ bae kolạńạ? Enḍekhan cekate sostorko reakʼ katha do purạukʼa?

Johan 11:22

Menkhan ińiń baḍaea, am do ńit hõ Isor jãhãnakʼgem koeye Isor do onageye emama.”

Johan 11:31

Ar okoe Jihudiko Mạriạm tulucʼ oṛakʼreko tahẽkan ar jiwiko raṛecʼetʼtae tahẽkan onko do Mạriạm hako pako bahrete calakʼkanko ńelkede khan uniko pańjakedea. Onko doko hudiskeda, Mạriạm do topa ṭhen rakʼjoṅ lạgitʼe calakʼkana.

Johan 11:43

Noa kathae menketʼ khan Jisu do ãṭ aṛaṅteye hohokeda, “E Lasar, oḍok hijukʼme.”

Johan 12:11

ente Lasar iạte Jihudiko modren ḍher hoṛge mukhiyạkoko bạgiyatʼkote Jisureko pạtiạuena.

Johan 12:17

Ado topa dander khon Lasare hoho oḍokkede ar gocʼko khone beretʼkede jokhecʼ okoeko hoṛ Jisu ṭhenko tahẽkan onkoge Lasarakʼ jiwetʼ beredokʼ reaṅ gohako emkeda.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kol akadińạ.

Johan 17:25

E dhoromren Baba, dhạrtiren hoṛko bako baḍae akatʼmea, menkhan iń doń baḍae akatʼmea. Ar nokoko baḍae akada amge ińem kol akadińạ.

Johan 17:8

Ente okako katha lạiyakom metadiń tahẽkan iń do onakoń lại akawatʼkoa. Ar onko do onako ataṅketʼte sạrigeko baḍaekeda, iń do am ṭhen khoniń hecʼakana, arko pạtiạu akana, amge ińem kol akadińa.

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 3:17

Uni do manwa dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Johan 8:16

Ar jãhãtis iń bicạrlere hõ ińakʼ bicạr do sạrigea, ente iń do bạń eskara. Iń ma minạńge ar okoeye kol akadiń uni ińren Baba hõ soṅgete menaea.

Johan 8:29

Okoe ińe kol akadiń unige iń sãote menaea. Uni do eskar bae bạgi akawạdińạ, ente okaṭakʼ kạmiye kusiyakʼkan onage siń sạṭupʼ iń kạmiyeda.”

Johan 8:42

Jisui metatʼkoa, “Isor do sạrige aperen babae hoylentape khan ińpe dulạṛkińạ, ente iń do Isor khoniń hecʼ akana ar ńitokʼ do ape talare minạńạ. Iń apnarte do bạń hecʼakana, menkhan unigeye kol akadińạ.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

1 Johan 4:14

Alele ńelakadea ar gohale emetʼkana, Baba do manwakoren babańcaoicʼ mente Hopone kolkedea.