Johan 11:38 - সান্তালী বাইবেল

³⁸ Noate Jisuakʼ mon do arhõ kạulạ kạuliyentaea ar topa ṭhene calaoena. Topa do mitʼṭecʼ dander tahẽkana. Ar ona dander duạrre mitʼṭecʼ dhiri doho akan tahẽkana.

Santali Common Language New Testament

³⁸ Noate Jisuakʼ mon do arhõ kạulạ kạuliyentaea ar topa ṭhene calaoena. Topa do mitʼṭen dander tahẽkana. Ar ona dander duạrre mitʼṭen dhiri doho akan tahẽkana.

Johan 11:38 Iomraidhean Croise

Genesis 23:19

Noa tayom Abraham do Kanan disạm reakʼ Mamre nagraha ṭhen, metakʼme Hebron ṭhen Makpela reakʼ danderre acʼren bạhui topakedea.

Jesaea 22:16

‘nonḍe do cetʼem ceka kana? Ar nonḍe amakʼ topa lae lạgitʼ, usul jaegare amakʼ topa ṭhạ̃i ṭhik lạgitʼ, ar buru kholaokate jirạukʼ jaega benao lạgitʼ ạidạri do okoeye em akatʼmea?

Jeheskel 21:6

“Ona iạte E manwa hopon, am do kũhrạukʼme, koṛam oṛejokʼ lekage ar hae nisạste onko samaṅre kũhrạukʼme.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Mathae 27:60

ar cạṭạnireye kholao dohoakatʼ acʼakʼ nãwã topareye baekada. Ar topa duạrre mitʼṭecʼ maraṅ okocʼ dhiri guṛgạu idikateye esetʼ oṭokada.

Mathae 27:66

Adoko calaoente dhiri cetanreko mohor chap oṭowada ar kajakte horhoe lạgitʼ pahradarkoko dohoketʼkoa.

Mark 15:46

Joseph do kicricʼe kiriń ạguketʼte Jisuakʼ mạ̃ṛĩye pheḍkeda ar kicricʼteye bedhaokeda, ar cạṭạinire kholao akatʼ mitʼṭecʼ topareye dohokada. Ona tayom mitʼṭecʼ dhiri guḍrạu ạgukate topa duạre esetʼ oṭokada.

Mark 8:12

Noa iạte Jisu do kũhrạuateye menkeda, “Niạ piṛhiren hoṛko do cinhạ reakʼ cedakʼko khojkana? Ińiń metapekana, cetʼ cinhạge onko do baṅ udukʼakoa.”

Luk 24:2

Onko do topa duạr khon dhiri ocokʼ akatʼko ńelkeda.

Johan 11:33

Jisu do Mạriạm ar uni soṅgeteko hecʼakan Jihudiko rarakʼkane ńelketʼko khan jiwireye kạulạ kạuliyena.

Johan 20:1

Ado hapta reakʼ pạhil din ạḍi setakʼre, ńut tahẽkanrege Magdalaren Mạriạm do ona topa ṭhene hecʼena. Ar topa duạr khon dhiri do ocokʼ akatʼe ńelkeda.