Johan 11:11 - সান্তালী বাইবেল

¹¹ Noako katha roṛ tayom celakoe metatʼkoa, “Aboren gate Lasar doe jạpitʼ akada, menkhan uni berede lạgitʼ iń calakʼkana.”

Santali Common Language New Testament

¹¹ Noako katha roṛ tayom celakoe metatʼkoa, “Aboren gate Lasar doe jạpitʼ akada, menkhan uni berede lạgitʼ iń calakʼkana.”

Johan 11:11 Iomraidhean Croise

2 Rapajko 4:31

Gehosi do laha lahate senkate gidrạwakʼ mẽtʼãhã cetanre ṭheṅgae dohokeda menkhan jãhãn aṛaṅ hõ baṅ ańjomlena. Onate Gehosi do Elisae tulucʼ ńapamokʼ lạgitʼe ruạṛ calaoena ar uniye metadea, “Gidrạ do bae ebhenlena.”

2 Bõsbudạ 20:7

E aleren Isor, amren hoṛ Israelko samaṅ khon niạ disạmren hoṛkom laga ńirketʼkote amren guti Abraham bõsren hoṛko jaejug lạgitʼem em akatʼkoa.

Exodus 33:11

Manwa cetʼleka gate sãote samna sạmni kathako roṛ ṭhik onkage Probhu Isor hõ Mose tulucʼe galmaraoetʼ tahẽkana. Ar noa tayom Mose do Israelkoakʼ ḍerateye ruạṛ senokʼkan tahẽkana menkhan Nunren hopon Josuạ do ńapamokʼ tạmbu khon bae oḍokokʼkan tahẽkana. Ente Josuạ ńutuman nui juạn koṛa do Moseren gokʼṛoyicʼe tahẽkana.

Jesaea 41:8

Probhu Isore meneda, “Menkhan E ińren guti Israel, ar ińiń bachao akade Jakob, ińren dulạṛicʼ Abrahamren bõs,

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Mathae 27:52

Ar adomakʼ topako jhicʼenate ạḍi utạr jạpitʼ akatʼ sonot hoṛkoakʼ hoṛmo do beretʼena.

Mathae 9:24

Onate Jisui metatʼkoa, “Ape do bahrete oḍokokʼpe. Kuṛi do bae gocʼakana, ekene jạpitʼ akada.” Noa katha ańjomkate onko do uniko landa dhutʼadea.

Mark 5:39

Jisu do bhitrite bolokate hoṛkoe metatʼkoa, “Cedakʼpe rakʼreda? Kuṛi do bacoe gocʼ akan, ekene jạpitʼ akada.”

Johan 11:10

Menkhan jãhãege ńindại dãṛãn uni doe tohodokʼgea ente unire marsal do bạnukʼa.”

Johan 11:12

Noa iạte celakoko metadea, “E Probhu Isor, jạpitʼ akatʼ khane bańcaokʼa.”

Johan 11:13

Jisu do Lasare gocʼ akan reakʼ kathae roṛkeda, menkhan uniren celako doko bujhạukeda jạpitʼ hataṛ reakʼ kathageye metatʼkoa.

Johan 11:3

Onate unkin boeha kuṛi do Jisu ṭhen noa kathakin roṛgotʼkada, “E Probhu Isor, okoeyem dulạṛedekan uni do ruạteye kạhil akana.”

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Aposkạmi 7:60

Are ikhṛumente ãṭ aṛaṅteye menkeda, “E Probhu Isor, nokoakʼ noa kại do alom lekhawakoa,” Ar noa menkate uni doe gocʼena.

1 Korinthiko 15:18

Enḍekhan Mạsi sãote kolom mitʼkate okoeko gocʼakan onko hõko nosṭoyena.

1 Korinthiko 15:34

Onate ape do apeakʼ monre cetaokʼpe ar alope kạiya. Ente ape modre adomko do Isor bako oromakadea; iń do lajao ocope lạgitʼge noa katha doń roṛeda.

1 Korinthiko 15:51

Ańjompe, iń do mitʼṭecʼ okoakʼ iń lạiyape kana. Sanamkoge bon gujukʼa ona do baṅa, menkhan bon pheraokʼa; ṭuṅ ghuṛite, mitʼ ripitʼrege, ses siṅgạ reakʼ saḍetege, ente siṅgạ saḍekʼa ar gocʼko do bin seageko jiwetʼ beretʼ ocokʼa ar abo do bon pheraokʼa.

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

1 Thessalonikikko 5:10

Mạsi do abo lạgitʼe gocʼlena, onate jiwetʼ bon tahen ar bon gujukʼ, abo do jemon uni tulucʼ jiwetʼ bon tahen.

Jakob 2:23

Nonkate sonot sostor reakʼ katha do purạulena, “Abraham do Isorakʼ kathae biswạsada ar onate Isor do dhorom menteye ataṅkedea.” Onate uni do Isorren dulạṛiạ menteye hoho ocolena.