Johan 10:4 - সান্তালী বাইবেল

⁴ Ar acʼren sanam bhiḍikoe oḍokleko tayom onko laha lahateye calakʼa ar bhiḍiko do uniko pańja idiyea ente onko do uniyakʼ aṛaṅko orom akatʼtaea.

Santali Common Language New Testament

⁴ Ar acʼren sanam bhiḍikoe oḍokleko tayom onko laha lahateye calakʼa ar bhiḍiko do uniko pańja idiyea ente onko do uniakʼ aṛaṅko oromakatʼtaea.

Johan 10:4 Iomraidhean Croise

Soros sereń 2:8

Ote ańjompe, ińren dulạṛiạwakʼ sabad, hạni ńelepe, uni doe hijukʼ kana; uni do buru boṭkocʼ cetante don donteye hijukʼ kana.

Soros sereń 5:2

Iń doń jạpitʼleda, menkhan ontor do jagwarge tahẽkantińạ. Ote ańjompe, ińren dulạṛiạ do silpińe ṭhopʼ ṭhopʼeda, “E dulạṛo, E dulạṛiạtiń, E potam juri tiń, E nichorayicʼ tiń, duạr jhicʼạńme baṛe. Ente sisir dakʼte ar ńindạ reakʼ kuṛhạte ińakʼ bohokʼ upʼ do lohodokʼ kantińạ.”

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Johan 10:16

Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Johan 10:3

Bhiḍikoakʼ khạṛ okoeye horhoyetʼkan uni do gupiyicʼge duạre jhicʼaea. Bhiḍiko do uniyakʼ aṛaṅko ańjomtaea, ar gupiyicʼ do acʼren bhiḍiko ńutum ńumkateye hohowakote bahreteye oḍok idikoa.

Johan 10:5

Onko do tis hõ ạnạṛi hoṛ ohoko pańjalea bickom uni khonko ńir pharakokʼa, ente ạnạṛi hoṛakʼ aṛaṅ do bako orom akada.”

Johan 10:8

Iń lahate okoeko hecʼlen onko sanamkoge kombṛo arko ḍạku kana, menkhan bhiḍiko onkoakʼ katha do bako ańjomleda.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Johan 13:15

Iń do noań udukʼ atʼpea jemon apere cetʼlekań cekaketʼ ape hõpe onkae.

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriyakʼren kan uni do ińakʼ kathae ańjoma.”

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

1 Korinthiko 11:1

Iń do cetʼleka Mạsireń calakʼkan, ape hõ onkage calakʼpe.

Ephesiko lạgitʼ Pạul Apostolakʼ ciṭhi 5:1

Isorren dulạṛiạ hoponko lekate ape do Isorakʼ lek leka hoyokʼpe.

Dosar Biboron 1:30

Aperen Isor Probhu Isorge ape laha lahateye calakʼa. Uni do ape mẽtʼãhã samaṅre Misor disạm ar hahaṅkarre cetʼleka ape secʼ hoykateye lạṛhạilen ńitokʼ hõ onkageye kạmiya. Arpe ńeletʼkangea, apat jemon hopon ghõṛakateye idiye onkage noa jaegare ạuripe seṭerokʼ hạbicʼ aperen Probhu Isor do goṭa hore ghõṛa ạgu akatʼpea.’

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 6:20

Jisuge abo hũyạte abon lahate ona jaegateye calao akana. Uni do jaejug hạbicʼ Melkisedek leka maraṅ naekeye hoyakana.

1 Patras 2:21

Isor do noa lạgitʼgeye hohoakatʼpea, ente Mạsi do ape iạte duke jomketʼte ape lạgitʼ nạmunae doho oṭoakada, jemon uni lekape colon,

1 Patras 4:1

Onate Mạsi do hoṛmore duke sahaoletʼte ape hõ apnarakʼ ontorre inạ mitʼ monsubạge benao rakabtape, ente hoṛmore okoe duke jom akatʼ uni do kại reakʼ heowa khone thir akana.

1 Patras 5:3

ape tabere okoe menakʼko onko cetanre mạliki alope calaoa, bickom nonkanko hoyokʼpe jemon ape ńelteko cetʼ daṛeakʼ.