Johan 10:32 - সান্তালী বাইবেল

³² Jisu do onkoe metatʼkoa, “Babawakʼ hukumleka ạḍi okocʼ bhage kạmikoń udukʼ akawatʼpea Onako modre okalekanakʼ kạmi iạte dhirite tińińpe menetʼkana?”

Santali Common Language New Testament

³² Jisu do onkoe metatʼkoa, “Babawakʼ hukumleka ạḍi okocʼ bhage kạmikoń udukʼ akawatʼpea Onako modre okalekanakʼ kạmi iạte dhirite tińińpe menetʼ kana?”

Johan 10:32 Iomraidhean Croise

Sereńko 35:12

Bhạlại bodol onko do bạṛicʼakʼko halawạń kana; Hae, iń okoḍa do!

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Jirimiạ 37:18

Ona tayom Jirimiạ do Sedekiạ raj noa hõe metadea, “Iń do am upạrte, amren gutiko upạrte, noko hoṛko upạrte cetʼ iń kại akatʼte, iń do hajot khanarepe dohoakadińạ?

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Johan 10:25

Jisui roṛ ruạṛatʼkoa, “Ape mań lại akawatʼpe, menkhan bape pạtiạukʼ kana. Ińren Baba ńutumte okakoń kạmikan onakoge iń reaṅ gohaye emeda.

Johan 10:31

Unre Jihudi mukhiyạko do tińe lạgitʼ dhiriko halaṅkeda.

Johan 10:33

Mukhiyạkoko menkeda, “Bhage kạmi iạte tińme do bale meneda, menkhan Isor upạrte henosta reakʼ katham roṛetʼkan iạtege. Ente am do manwa hoekate hõ Isorem benaokʼkana.”

Johan 10:37

Ińren Babawakʼ kạmiko bạń kạmiyetʼ khan alope pạtiạuạńạ.

Johan 5:36

Menkhan Johanakʼ khon hõ ińakʼ do maraṅ goha menakʼtińạ, ente okako kạmi Babae emakawạdiń onakogeń kạmikana. Ar onako do iń reaṅ noa gohae emeda je, Babageye kol akadińạ.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.