Johan 10:27 - সান্তালী বাইবেল

²⁷ Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Santali Common Language New Testament

²⁷ Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Johan 10:27 Iomraidhean Croise

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Jesaea 66:22

Probhu Isore meneda, “Oka nãwã serma ar nãwã dhạrtiń sirjạu ar cetʼleka iń samaṅre ona ṭikạu tahen onkage apeakʼ ńutum ar aperen bõsko hõko ṭikạu tahena.

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 25:12

Unre Jãwãe beṭa doe roṛ ruạṛatʼkoa, ‘sạrigeń metapekana, iń do bạń orom akatʼpea.’ ”

Mathae 7:23

Unre pusṭạuteń lạiyakoa, ‘ape do tis hõ bạń baḍaeletʼpea. E bedhorom kạmiko, men iń khon sahaṛokʼpe.’

Mark 10:21

Jisu do uniye beṅgetʼadea ar dulạṛ salakʼe metadea, “Mitʼṭecʼ jinis dom bạki oṭo akawada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mark 8:34

Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe menetʼ khan uni do acʼakʼ sana leka aloe calakʼma; bickom acʼakʼ kurus gokʼkateye pańjayiń ma.

Luk 13:27

Unreye metapea, ‘oka khon coṅpe hecʼakan, iń do bạń baḍae akatʼpea. E phạsiạrako, men iń khon ńirjoṅpe.’

Luk 9:23

Ona tayom sanamkoe metatʼkoa, “Jãhãege ińakʼ horte hijukʼe menetʼ khan uni do acʼakʼ kusileka aloe calakʼma; ar dinạmge acʼakʼ kurus gokʼkate ińe pańjańma.

Johan 10:14

“Ińge boge gupiyicʼ. Baba do cetʼleka ińe baḍaeyediń onkage iń hõ Babań baḍaeyedea ar ińren bhiḍiko hõń baḍaeyetʼkoa ar onko hõ ińko baḍaeyediń kana. Iń do ińren bhiḍiko lạgitʼ ińakʼ jiwiyiń alayetʼtińạ.

Johan 10:16

Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Johan 10:8

Iń lahate okoeko hecʼlen onko sanamkoge kombṛo arko ḍạku kana, menkhan bhiḍiko onkoakʼ katha do bako ańjomleda.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Johan 21:22

Jisu do Patrase metadea, “Ạuriń ruạṛ hijukʼ hạbicʼe tahẽ hataṛokʼ khan amakʼ do cetʼ? Menkhan am do iń pańjańme.”

Johan 5:25

Sạrigeń metapekana, nonkan okte hijukʼ kana, bickom ńitokʼkangea, tinre gocʼko do Isorren Hoponakʼ aṛaṅko ańjoma ar tinạkʼko ańjom onko doko jiwedokʼa.

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Aposkạmi 3:23

Ar okoe uniyakʼ katha bae ańjom uni do acʼren hoṛko khone marao giḍiyea.’

1 Korinthiko 8:3

Menkhan okoe Isore dulạṛede kan, Isor do eken unigeye baḍaeyede kana.

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Ibriko 3:7

Ona iạte sonot Jiue menleda, “Teheń ape do uniyakʼ aṛaṅpe ańjomle khan

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.