Johan 10:1 - সান্তালী বাইবেল

¹ “Sạrigeń metape kana, jãhãege bhiḍi khạṛ reakʼ duạrte baṅ bolokate eṭakʼ secʼteye bolokʼ uni do kombṛo are ḍạku kana.

Santali Common Language New Testament

¹ “Sạrigeń metape kana, jãhãege bhiḍi khạṛ reakʼ duạrte baṅ bolokate eṭakʼ secʼteye bolokʼ uni do kombṛo are ḍạku kana.

Johan 10:1 Iomraidhean Croise

Jirimiạ 14:15

Okoeko nạbi do iń ńutumteko nạbiyetʼkan onko reaṅge iń Probhu Isor do noa kathageń menetʼkana, onko do bạń kol akatʼkoa, enhõko meneda, ‘niạ disạmre jãhãn lạṛhại se akal do baṅ hoyokʼa.’ Menkhan onko nạbi do jotoge lạṛhại ar akalteko marao utạrokʼa.

Jirimiạ 23:21

Noko nạbiko do bạń kol akatʼkoa, enhõ onko do ahkaokʼ seletʼ akoakʼ sombat do hoṛko baḍae ocoakatʼkoa; menkhan iń do cetʼ kathage bạń lạiyakatʼkoa, enhõ onko do kathako roṛeda.

Jirimiạ 23:32

Sạrige iń do onko nạbi upạrte minạńa okoe eṛe kathako roṛetʼkan. Onko do onageko roṛeda ar onkoakʼ bạḍạite perecʼ kathate ińren hoṛko bạṛicʼ horteko idiyetʼkoa. Menkhan onko do bạń kol akatʼkoa se hukum hõ bạń hukum akatʼkoa. Onko do noko hoṛkoakʼ thoṛa hõ bako upkạr daṛeakʼa. Iń Probhu Isorge noa katha doń meneda.”

Joel 2:9

Onko do nagraha cetanre jhãpko ema, ar pạcri cetanteko ńir baṛaea; onko do oṛakʼ-duạrteko dejokʼa, ar kombṛo leka jalna secʼteko bolokʼa.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Johan 10:7

Onate Jisu do arhõe metatʼkoa, “Sạrigeń metapekana, ińkangeạń bhiḍiko reakʼ duạr do.

Johan 3:3

Jisu do Nikodemuse metadea, “Sạrigeń metamkana, jãhãe hoṛ dosar karte bae janamlen khan Isorakʼ raj do ohoe ńel daṛelea.”

Romiko lạgitʼ Pạul Apostolakʼ ciṭhi 10:15

Ona chaḍa jãhãe bako kol ocolen khan cekate poporcarko doko porcara? Sonot sostorre ol akana, “Bhạgangea onkoakʼ jaṅgako okoe do bhage sombat porcar lạgitʼko hijukʼkan.”

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Ibriko 5:4

Maraṅ naeke hoyokʼ reakʼ man do okoe hõ apnarte bae hatao daṛeakʼa, menkhan Isor okoeye hohowae unige ona reakʼ man doe ńama, cetʼleka Isor do Aron maraṅ naeke hoyokʼ lạgitʼe hohowade tahẽkan.

1 Patras 1:10

Okaṭakʼ bhor ńam reakʼ katha, ona babotre okoe nạbiko sedaereko roṛletʼ tahẽkan, onko do noa bańcaokʼ reaṅ baḍaejoṅ lạgitʼ ạḍi khoj tolasko hataoletʼgea arko kulikan tahẽkana.

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.