Johan 1:26 - সান্তালী বাইবেল

²⁶ Johan do onko Phạrusikoe metatʼkoa, “Iń ma dakʼteń bạptisetʼpe, menkhan apeko modre nonkan mitʼ goṭene teṅgo akana okoe do bape oromede.

Santali Common Language New Testament

²⁶ Johan do onko Phạrusikoe metatʼkoa, “Iń ma dakʼteń bạptisetʼpe, menkhan apeko modre nonkan mitʼ goṭene teṅgo akana okoe do bape oromede.

Johan 1:26 Iomraidhean Croise

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khon hõe maraṅgea. Iń do uniyakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Mathae 3:6

Ar tinre onko do apan ạpin kạiko aṅgocketʼtakoa unre Johan do Jordan gaḍareye bạptisketʼkoa.

Mark 1:8

Iń do dakʼteń bạptisetʼpea menkhan uni do sonot Jiuteye bạptispea.”

Luk 3:16

Unre Johan do sanamkoe metatʼkoa, “Iń do dakʼteń bạptisetʼpea, menkhan okoe iń khone daṛeange uni doe daraekana. Iń do uniyakʼ panahi reakʼ phitạ raṛaetae lek geń baṅkana. Uni do sonot Jiu ar seṅgelteye bạptispea.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 17:25

E dhoromren Baba, dhạrtiren hoṛko bako baḍae akatʼmea, menkhan iń doń baḍae akatʼmea. Ar nokoko baḍae akada amge ińem kol akadińạ.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 8:19

Phạrusikoko metadea, “Amren Baba do okare menaea?” Jisui roṛ ruạṛatʼkoa, “Ape do iń hõ bape baḍae akadińạ ar ińren Baba hõ bape baḍae akadea. Ente ińpe baḍaeliń khan honaṅ ińren Baba hõpe baḍaekea.”

Aposkạmi 1:5

Johan do dakʼteye bạptisetʼko tahẽkana, menkhan thoṛa din khange ape do Babawakʼ ona gokʼakʼ lekate sonot Jiutepe bạptis ocokʼa.”

Aposkạmi 11:16

Unre Probhu Isore roṛletʼakʼ katha disạ hecʼạdińạ, ‘Johan do dakʼteye bạptisetʼkokan tahẽkana, menkhan ape do sonot Jiutepe bạptis ocokʼa.’

Aposkạmi 19:4

Khan Pạule metatʼkoa, “Kại khon mon ạcurkate okaṭakʼ bạptisma ataṅokʼ, ona do Johanakʼ bạptisma kana. Johan do hoṛkoe metatʼko tahẽkana, acʼ tayomte okoeye daraekan unire, metakʼme Jisure jemonko pạtiạukʼ.”

1 Johan 3:1

Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.