Johan 1:17 - সান্তালী বাইবেল

¹⁷ Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Santali Common Language New Testament

¹⁷ Mose hotete ạn-ạriko em hoelena, menkhan daya ar sạritetʼ do Jisu Mạsi hotetege hecʼakana.

Johan 1:17 Iomraidhean Croise

Genesis 22:18

Ar amren bõsko hotete dhạrtiren sanam jạtrenko do bhorko ńama. Am do ińakʼ hukumem manao akatʼte onań onkaea.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Sereńko 85:10

Asambheṛ dulạṛ ar pạtiạr dokin ńapam midokʼa; dhorom ar suluk dokin cokʼ joṅa.

Sereńko 98:3

Israel jạtrenko lạgitʼ acʼakʼ asambheṛ dulạṛ ar pạtiạr reakʼ katha uni doe disạ dohoakada; ar aboren Isorakʼ bańcao reakʼ kạmi do goṭa dhạrtiren hoṛko ńelakada.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriyakʼren kan uni do ińakʼ kathae ańjoma.”

Johan 5:45

Alope hudisa, Baba ṭheniń dusipea; menkhan okoe Mose ṭhenpe as akan uni Mosege ape doe dusipea.

Johan 7:19

Mose do cetʼ ạn-ạriko bae emakatʼpea? Menkhan ape modre okoe hõ onako ạn do bape manaoeda. Enḍekhan cedakʼ gojeń lạgitʼ dope kurumuṭuyeda?”

Johan 8:32

Ona chaḍa ape do sạriyakʼtetʼpe baḍae daṛeakʼa, ar ona sạriyakʼtetʼge ape doe sạdhinpea.”

Johan 9:29

Alele baḍaea Isor do Moseye galmaraoade tahẽkana, menkhan uni hoṛ do oka khone hecʼakana ona do bale baḍaea.”

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Romiko lạgitʼ Pạul Apostolakʼ ciṭhi 6:14

Ape do kạiren golamko dope baṅkana, ente Isorakʼ daya tạriren kanape, ạn-tạriren dope baṅkana.

2 Korinthiko 1:20

uni do jao ghuṛigeye “Hẽ” kana. Isorakʼ sanam gokʼakʼko do Mạsi hotete “Hẽ” hoyakana. Onate Isorakʼ ṭhonok lạgitʼ Mạsi hotete abo do “Amen” bon roṛeda.

Galathiko lạgitʼ Pạul Apostolakʼ ciṭhi 3:17

Ińakʼ katha reakʼ mane do noage, Isor do Abraham oktere mitʼṭecʼ kajak bondobose dohoakatʼ tahẽkana. Ar ponsae pegel bochor tayom ạn-ạrikoe emena, ar onate laha reakʼ bondobos do baṅ bạtil lena; menkhan uniyakʼ gokʼakʼ do bahal tahẽyena.

Dosar Biboron 33:4

Abo ṭhen Mose okako ạn-ạrikoe emakan, ona do Jakob bõsrenkoakʼ dhon kana.

Dosar Biboron 4:44

Mose do Israelko samaṅre noako ạn-ạrikoe samaṅatʼkoa. Misor khon oḍok hecʼen tayom uni do jordan reakʼ purub secʼ Hesbonren Amori raj Sihon reakʼ disạmre Bet-Peor mohnḍa muhnḍi reakʼ buru tala otetere Israelko ṭhen sontorokʼ reakʼ noako katha, niạm ar hukumkoe baḍae ocoketʼkoa. Ar misor disạm khon oḍokʼ hecʼkate Mose ar Israelko do Sihon rajko bhagaokedea.

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Ibriko 9:22

Moseyakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.