Johan 1:14 - সান্তালী বাইবেল

¹⁴ Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Santali Common Language New Testament

¹⁴ Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniakʼ oka ṭhonok menakʼ ona do alele ńelakada. Uni do daya ar sạriakʼteye perecʼgea.

Johan 1:14 Iomraidhean Croise

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Sereńko 45:2

Am do manwako modre mońj utạricʼ kanam; amakʼ luṭikin reakʼ kathare do rasa dulogokʼkan leka; Isorakʼ jaejug reakʼ bhor do amrege ńurokʼ kana.

Sereńko 85:9

Okoe uniko botoraekan sạrige uniyakʼ bańcao reakʼ okte onko ṭhen do hecʼ akana; onate uniyakʼ ṭhonok do aboakʼ disạmre girobasokʼa.

Jesaea 40:5

Unre Probhu Isorakʼ ṭhonokʼ sodorokʼa, ar manwa jạtren sanamko do mitʼte uniko ńela; Probhu Isorge noako katha doe meneda.”

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jeheskel 37:27

Ińakʼ tahen ṭhạ̃i do onko talarege hoyokʼa; iń do onkoren Isoriń hoyokʼa ar onko do ińren hoṛko hoyokʼa.

Mathae 1:16

Jakob do Mạriạmren jãwãe Joseph jonome emadea; ar nui Mạriạm khonge Mạsiko metae Jisu doe janamlena.

Luk 2:11

Teheń do Dạud nagrahare aperen babańcaoicʼe janam akana. Uni doe Probhu Mạsi kana.

Luk 2:7

Ar onḍege uni do acʼren pạhilicʼ koṛa gidrại janamkedea, ar gendrecʼteye bedhaokedete nandwarreye giticʼkedea, ente unkin lạgitʼ okarehõ tahen jaega do baṅ tahẽkana.

Luk 9:32

Unre Patras ar uniren soṅgetenko do jhap jhap dudṛumetʼko tahẽkana. Adoko beṅgetʼ pharnoen khan Jisuakʼ ṭhonokko ńelkeda ar soṅgete bar hoṛ teṅgo akan hõko ńelketʼkinạ.

Johan 1:1

Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Johan 11:40

Jisu do Marthae metadea, “Am do cetʼ bạń metatʼmea pạtiạulen khanem Isorakʼ ṭhonokem ńela?”

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 14:9

Jisu do uniye metadea, “E Philip, nunạkʼ din ape tulucʼ minạńa, enrehõ cetʼ bape baḍae akadińạ? Okoe ińe ńelakadiń uni do Baba hõe ńelakadea. Am do cekatem meneda, ‘Baba baṛe udukʼaleme?’

Johan 17:22

Oka ṭhonokem emakawạdiń ona do onkoń emakatʼkoa, jemon alaṅ cetʼleka mitʼ menakʼlaṅ onko hõ onka mitʼko tahen.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriyakʼren kan uni do ińakʼ kathae ańjoma.”

Johan 2:11

Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Johan 3:18

Okoe uni Hoponreye pạtiạukʼ uniyakʼ do jãhãn bicạr baṅ hoyokʼtaea, menkhan okoe bae pạtiạukʼ uni do dusi kanae mente laharegeye lekha ocoakana, ente uni do Isorren eskar janam Hoponre bae pạtiạu akana.

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Johan 8:32

Ona chaḍa ape do sạriyakʼtetʼpe baḍae daṛeakʼa, ar ona sạriyakʼtetʼge ape doe sạdhinpea.”

Aposkạmi 13:33

ona do onkoren hoponko lạgitʼ, metakʼme abo lạgitʼ Jisu gocʼko khone jiwetʼ beretʼkedeteye purạu akada. Noa reaṅ do dosarakʼ sereńre olakana: Am dom ińren hopon kana, teheńge amren apatiń hoyena.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Romiko lạgitʼ Pạul Apostolakʼ ciṭhi 9:5

Isorren maraṅ sekʼwako do onkoren hapṛamgeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼko cetanre menae; jaejug hạbicʼ uniyakʼge sarhao hoyokʼtae ma. Amen.

1 Korinthiko 15:47

Menkhan dosaricʼ manwa do serma khone hecʼlena.

2 Korinthiko 12:9

Menkhan uni doe metadińa, “Ińakʼ dayage am lạgitʼ ḍhera, ente nijorrege ińakʼ daṛe do sodorokʼa.” Onate ińakʼ nijorakʼko reaṅakʼre ạḍi kusikateń sarhaokʼa, jemon Mạsiyakʼ daṛe ińre tahen.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Kolossiko lạgitʼ Pạul Apostolakʼ ciṭhi 1:19

Isor doe goṭaletʼa jemon acʼakʼ joto lekanakʼ perecʼtetʼ Mạsire tahen.

Kolossiko lạgitʼ Pạul Apostolakʼ ciṭhi 2:3

Mạsirege sanam lekan bud ar akelko do oko menakʼa.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ibriko 1:5

Isor do jãhãtis cetʼ jãhãe serma goḍet noa kathae men akawadea, “Am do ińren hopon kanam, teheńge amren apatiń hoyena?” Arhõ uni do cetʼ noae men akada, “Iń do uniren apatiń hoyokʼa ar uni do ińren hopone hoyokʼa?”

Ibriko 10:5

Onate Mạsi noa dhạrtiteye hijukʼ jokhecʼ Isore metade tahẽkana, “Janwar ar eṭakʼ dãṛẽ do bam khojlakʼa, menkhan iń lạgitʼ mitʼṭen hoṛmogem tearkeda.

Ibriko 2:11

Ente sonot ocoyicʼ hõ ar sonot ocokʼko hõ mitʼṭecʼ khon kangeako. Onate Jisu do onko hoṛko boeha mente hohowako do bae lajaokʼ kana.

Ibriko 5:5

Katha do Mạsire hõ khaṭaokʼgea. Mạsi do apnarakʼ sanate maraṅ naeke hoyokʼ lạgitʼ apnarte do bae usullena, Isorge noa mente ona manote dan akawade tahẽkana. Am do ińren Hopon kanam, teheńge amren apatiń hoyena.

1 Johan 4:14

Alele ńelakadea ar gohale emetʼkana, Baba do manwakoren babańcaoicʼ mente Hopone kolkedea.

1 Johan 4:9

Abo lạgitʼ Isorakʼ dulạṛ do nonkate sodor akana, uni do acʼren eskar janam Hopon noa dhạrtiteye kolkedea jemon uni hotete jion bon ńam.

2 Johan 1:7

Dhạrtire nonkan aema hoṛko oḍok akana okoe doko bukʼlạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

Johan sodor 19:13

Uni do mãyãmre topoakatʼ kicricʼe oyo akatʼ tahẽkana, ar uniyakʼ ńutum do Isorakʼ katha kana.

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.