Johan 1:1 - সান্তালী বাইবেল

¹ Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Santali Common Language New Testament

¹ Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Johan 1:1 Iomraidhean Croise

Genesis 1:1

Etohopʼre Isor do ot ar sermae sirjạukeda.

Sereńko 45:6

E Isor, amakʼ siṅghạson do jug cetan jugge; ar amakʼ ḍanṭao do dhorom reakʼ ḍanṭaokana.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Luk 24:53

Ar jaoge mundilre hecʼkate Isorko sarhaoedekan tahẽkana.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 1:2

Etohopʼrege uni do Isor sãoteye tahẽkana.

Johan 16:28

Sạrige iń do Baba ṭhen khon noa dhạrtiteń hecʼakana, arhõ noa dhạrti bạgikate Baba ṭhengeń calakʼ kana.”

Johan 17:5

E Baba, dhạrti ạuri sirjạure am sãote oka ṭhonok tahẽkantiń, ona ṭhonok arhõ emạńme baṛe.

Johan 20:28

Unre Thomae menkeda, “E ińren Probhu, E ińren Isor.”

Johan 8:58

Menkhan Jisui metatʼkoa, “Sạrigeń metapekana, iń do Abraham ạuriye janamokʼ khonge minạńạ.” Noa katha ańjomkate mukhiyạko do Jisu tińe lạgitʼ dhiriko halaṅkeda. Menkhan Jisu do apnartetʼe danaṅente mundil khone oḍok calaoena.

Romiko lạgitʼ Pạul Apostolakʼ ciṭhi 9:5

Isorren maraṅ sekʼwako do onkoren hapṛamgeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼko cetanre menae; jaejug hạbicʼ uniyakʼge sarhao hoyokʼtae ma. Amen.

Ephesiko lạgitʼ Pạul Apostolakʼ ciṭhi 3:9

Ona chaḍa uniyakʼ danaṅakʼ okalekate kạmire lagao hoyokʼa ona sodor reakʼ dạyik hõ ińreye emakada. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

Philipiko lạgitʼ Pạul apostolakʼ ciṭhi 2:6

Ente uni do Isor reakʼ rupane tahẽkanre Isor barabari tahen do luṭjoṅakʼ bae metatʼa.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Kolossiko lạgitʼ Pạul Apostolakʼ ciṭhi 1:17

Uni do sanamakʼko khon laharen kanae ar unirege jotowakʼ do ṭarhao mitʼakana.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Ibriko 13:8

Jisu Mạsi do hola cetʼlekae tahẽkan, teheń hõ onkage menaea ar jaejug hạbicʼ hõ onkageye tahena.

Ibriko 7:3

Melkisedek do eṅgat-apat se jãhãn bõs budạge baṅ tahẽkantaea. Isorren Hopon leka uniyakʼ jion reakʼ etohopʼ hõ baṅ tahẽkana, ar mucạtʼ hõ baṅ tahẽkana; uni do jaejug hạbicʼren naeke kanae.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

1 Johan 5:7

Sonot Jiu, dakʼ ar mãyãm, noa pea talate ona goha do hijukʼkana ar ona pene goha do mitʼgea.

Johan sodor 1:11

Uni doe metadińạ, “Okaṭakʼem ńel ona do mitʼṭecʼ puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭecʼ nagraha reakʼ eae goṭecʼ manḍerko ṭhen kolme.”

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Johan sodor 1:2

Isorakʼ katha ar Jisu Mạsiyakʼ goha reaṅ Johan okae ńelletʼ tahẽkan, onako reaṅ uni do nonḍe gohae emakada.

Johan sodor 1:8

Probhu Isore meneda, “Ińge Alpha ar Omega, one okoe do menaege, are tahẽkan are hijukʼkan. Ar iń kangeạń sanam daṛeyicʼ do.

Johan sodor 19:13

Uni do mãyãmre topoakatʼ kicricʼe oyo akatʼ tahẽkana, ar uniyakʼ ńutum do Isorakʼ katha kana.

Johan sodor 2:8

“Smurnạ naṅgrha reakʼ manḍerren goḍet ṭhen noa katha olme: “Okoe doe etohopʼ are mucạtʼicʼkan, ar okoe doe gocʼlen are jiwetʼ beretʼen, uni do noa kathae meneda.

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

Johan sodor 22:13

Ińge Alpha ar Omega, pạhilicʼ ar sesicʼ, etohopʼ ar mucạtʼicʼ do.

Johan sodor 3:14

“Laodikiạ nagraha reakʼ manḍerren goḍet ṭhen noa ciṭhi olme, “Okoe do Amen, ar okoe do pạtiạricʼ are sạri goha kan, ar okoe doe Isorakʼ sirjonren etohopʼicʼkan, uni do noa kathae meneda: iń do amakʼ kạmiko reakʼ iń baḍaea.