Joel 3:8 - সান্তালী বাইবেল

⁸ Aperen hopon ar hoponerako do Jihudạren hoṛ ṭheniń ạkhrińkoa ar onko do sạṅgińre menakʼko Saba jạtren ṭhenko ạkhrińkoa.” Noa katha do Probhu Isorgeye menetʼkana.

Joel 3:8 Iomraidhean Croise

Jobakʼ 1:15

Unre Sibayiko do luluṭ hecʼkate onkoko idiketʼkoa. Ar amren gutiko doko gocʼketʼkoa. Am khoboram lạgitʼ eken iń eskargeń paskao hecʼ akana.”

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jirimiạ 30:16

“Menkhan okoe amko ses utạretʼme onko sanamgeko marao ocokʼa; amren sanam bạiri do bondi dosareko calakʼa. Ar okoe ame luṭ akatʼme uni hõe luṭ ocokʼa; okoe amakʼ jinisko recʼetʼme iń hõ onkoakʼ jiniskoń recʼ ocoytakoa. Hoṛ do amko metama, ‘nui kangeae uni sạṅgiń ocoakan Sion do one uniyakʼ khoj okoehõ bako hataoetʼkan,

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Jeheskel 23:42

“Unkin beṛhaete do gad gad hoṛkoakʼ aṛaṅge ańjomokʼkan tahẽkana. Unkin talare do nicạṛ monan hoṛ ar hahaṅkar ṭoṭharen ńũ bhuteṛ hoṛko tahẽkana. Onko do boeha kuṛikin tire sakomko horokʼatʼkinạ ar unkinakʼ bohokʼre do mońj okocʼ mukuṭko horokʼatʼkinạ.

Jeheskel 38:13

“ ‘Unre Seba, Dedan ar Tạrsis ar uniyakʼ sanam atokoren bạnij bekʼparko do amko kulimea, am do luṭ paṭ lạgitʼem hecʼakana se sona rupạ, janwarko ar jinisko idiy lạgitʼ ar ḍher jinisko recʼ idiy lạgitʼ amren dol bolkom jarwa akatʼkoa?’

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Bikʼcạrko 4:2

Onate Probhu Isor do Jabin ńutuman mitʼṭen Kanani rajakʼ tire onkoe jimạkatʼkoa. Jabin do Hasor khon raje calaoetʼ tahẽkana. Uniren senaputiyakʼ ńutum do Sisera tahẽkana. Uni do Harosetreye tahenkan tahẽkana.

Bikʼcạrko 4:9

Deborae menkeda, “Am sãoteń calakʼa, menkhan niạ lạṛhại reakʼ sabasi do bam ńama, ente Probhu Isor do mitʼṭen maejiuakʼ tire Siserae jimạyea.” Ar niạ katha menkate Debora do Barak sãote Kedesteye senena.