Joel 3:7 - সান্তালী বাইবেল

⁷ “Ańjompe, okako ṭhạ̃ikore onkope ạkhriń akatʼko onḍe khon iń do onkoń hoho ạgukoa ar ape okaṭakʼpe ceka akatʼ onage apeakʼ bohokʼreń ruạṛapea.

Joel 3:7 Iomraidhean Croise

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Jesaea 49:12

Ńelpe, onko do sạṅgiń khonko hijukʼa; okoe do utạr khon, okoe do pạchim khon ar okoe do Sinim disạm khonko hijukʼa.”

Jesaea 66:6

Ańjompe, nagrahare kạumạu ańjomokʼ kana; ańjompe, mundil khon aṛaṅ ańjom hijukʼkana; noa do Probhu Isorakʼ aṛaṅkangea uni do acʼren bạirikoe sạjạiyetʼkoa.

Jirimiạ 23:8

bickomko mena, ‘okoe do Israelko utạr ar eṭakʼ disạmteye sạṅgińletʼko ar onḍe khone ạguketʼko uni jiwetʼ Probhu Isor ńutumte kiriạkateń meneda.’ Onate onko do akoakʼ disạmreko girobasokʼa.”

Jirimiạ 30:10

“Onate E ińren golam Jakob, am do alom botorokʼa; E Israel, alom as chuṭạukʼa. Iń do sạṅgiń ṭhạ̃i khon am ar bondi idi ocoakan amren hoponko khạṭigeń bańcaokoa. Jakob do arhõ suluk ar nirạiteye tahena ar okoehõ bako botor ocoyea.

Jirimiạ 30:16

“Menkhan okoe amko ses utạretʼme onko sanamgeko marao ocokʼa; amren sanam bạiri do bondi dosareko calakʼa. Ar okoe ame luṭ akatʼme uni hõe luṭ ocokʼa; okoe amakʼ jinisko recʼetʼme iń hõ onkoakʼ jiniskoń recʼ ocoytakoa. Hoṛ do amko metama, ‘nui kangeae uni sạṅgiń ocoakan Sion do one uniyakʼ khoj okoehõ bako hataoetʼkan,

Jirimiạ 31:8

Ńelpe, utạr disạm khon iń do Israelkoń ạgukoa ar dhạrti reakʼ ses simạna khoniń jarwa mitʼkoa. Onko modre kãṛãko, leḍhako, bhạrti hoṛmoko ar bedon rakapʼ akatʼko maejiu hõko tahena; ar maraṅ utạr mitʼṭecʼ dolko ruạṛ hijukʼa.

Jirimiạ 32:37

ińakʼ khĩs ar jolokʼkan edre iạte okako disạmre onkoń sạṅgiń giḍiletʼko onḍe khon khạṭigeń jarwakoa. Ar noa ṭhạ̃iteń ruạṛ ạgukoa ar khạtirjomań girobas ocokoa.

Jeheskel 36:24

“ ‘Boṅgan hoṛ jạtrenko tala khon ińge apeń oḍok ạgupea; ar goṭa disạm khoniń jarwapea ar apeakʼ disạmteń ruạṛ ạgupea.

Jeheskel 38:8

Ḍher bochor tayom am do lạṛhại lạgitʼem hoho ocokʼa. Unre am do nonkan mitʼṭecʼ disạm cetanre jhãpem ema okaṭakʼ disạm do lạṛhại khon rehaye ńamakatʼ, one onaren hoṛko do ḍher jạtrenko tala khon Israel reakʼ burureko jarwa akan. Ona disạm do ḍher din khon ujạṛakʼ tahẽkana, menkhan am do jhãp ạurim emrege uniren hoṛko do eṭakʼ eṭakʼ jạtrenko tala khonko oḍok ạgu ocokʼa, ar unre onko do jotoge khạtirjomako tahena.

Joel 3:4

“Ńitokʼ do E Tur, Sidon ar Philisṭi reakʼ sanam ṭoṭhako, iń sãote apeakʼ do cetʼ? Ape do cetʼ iń cetanrepe hala hạkʼli kana? Iń cetanre hala hạlipe menetʼ khan ape okape cekae iń hõ apeakʼ bohokʼre usạrate onań paṛao ocoya.

Sakariạ 9:13

Jihudạ do akʼ leka ar Ephrayim do sar lekań beoharea. E Sion, iń do amren hoponko Grecce disạmren hoponko upạrteń uskạukoa ar am do lạṛhại reakʼ tarwaṛe lekań hoyocomea.”

Mathae 7:2

ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

2 Thessalonikiko 1:6

Isorakʼ dhorom bicạr do noage, okoe apeko duk ocoyetʼpe uni hõ onkoe duk ocokoa;

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Johan sodor 13:10

Okoe kạidi hoyokʼ reakʼ katha menakʼtae uni do kạidiye hoyokʼa. Okoe tarwaṛeteye gogocʼ uni do tarwaṛetegeye khũn ocokʼa. Onate Isorren hoṛko do sombhuri ar pạtiạu reakʼ jạruṛ menakʼtakoa.

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”

Johan sodor 19:2

ente uniyakʼ bicạr do sạri ar dhoromgea. Okoe acʼakʼ loṭghuṭite goṭa dhạrtiye bhõnḍ akatʼ tahẽkan uni maraṅ kusmbi do Isor sạjạiye emadea ar acʼren golamkoakʼ mãyãm reakʼ unireye halakeda.”

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

1 Samuel 15:33

Menkhan Sạmuele menkeda, “Amakʼ tarwaṛete ḍher maejiukoren hoponko gocʼ ocoakan onkage maejiuko talare eṅgamren hopon hõe adokʼtaea.” Ar niạ katha menkate Sạmuel do Gilgolre Probhu Isor samaṅre Og raj doe samakʼ khanḍa khunḍikedea.