Joel 3:5 - সান্তালী বাইবেল

⁵ Ona reakʼ karon do hoyokʼkana, ape do ińakʼ sona ar rupạpe hatao akada ar ińakʼ joto khon damanakʼ jinisko apeakʼ mundilrepe aderakada.

Joel 3:5 Iomraidhean Croise

2 Rapajko 12:18

Unre Jihudạren raj Joas do acʼ ar acʼren hapṛamkoren, metakʼme Jihudạren Jehosaphat raj, Jehoram ar Ahasiạ emakʼ Probhu Isor ńutumte begarakʼ sanam jinisko Aramren raj Hasael ṭhene kolkeda. Ona chaḍa uni do Probhu Isorakʼ khajańci oṛakʼre ńamakʼ raj oṛakʼ reakʼ joto sona hõ uni ṭhene kolkeda. Onate Hasael do Jerusalem bạgikateye calaoena.

2 Rapajko 16:8

Ahas do Probhu Isorakʼ oṛakʼ ar raj oṛakʼ reakʼ khajańci khon sona ar rupại ạguketʼte sandes lekate Asurren raj ṭhene kolkeda.

2 Rapajko 24:13

Probhu Isor okalekae menletʼ onkage Nebukadenesar do Probhu Isorakʼ oṛakʼ ar raj oṛakʼ khon joto dhon duribkoe oḍok idikeda ar Israelren raj Solomon do Probhu Isorakʼ oṛakʼre lạgitʼ sonate okako jinise benao ocoletʼ onako jotowakʼ uni doe samakʼ khanḍa khunḍikeda.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jirimiạ 23:7

“Onate nonkan dinko hijukʼkana tinre hoṛ do ar bako mena, ‘Misor disạm khon okoe do Israelkoe oḍok ạguletʼko uni jiwetʼ Probhu Isor ńutumte kiriạkateń meneda,’

Jirimiạ 50:28

Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Jeheskel 37:12

Onatege am do onko ṭhen noa nạbi katha roṛme, Probhu Isore menetʼkana, ‘E ińren hoṛko, iń do apeakʼ topa jhicʼkate onḍe khon iń rakapʼ ạgupea. Israel disạmre apeń ruạṛ ạgupea.

Daniel 11:38

Onko bodolte uni do aotan gaṛkoren debotakogeye manotkoa; ar okoe debotako do akoren hapṛamko bako oromakatʼko onkoge uni do sona, rupạ, damanakʼ mạnik dhiriko ar sandeskoteye manotkoa.

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.