Joel 3:2 - সান্তালী বাইবেল

² unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Joel 3:2 Iomraidhean Croise

2 Bõsbudạ 20:26

Ponakʼ dinre onko do Beraka reakʼ buru tala otetreko jarwayente Probhu Isorko sarhaokedea. Ona iạte teheń hõ ona jaega do Beraka buru tala otetko metakʼkana (metakʼme, “sarhaoakʼ”).

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

Jirimiạ 12:14

Probhu Isore meneda, “Ạidạri lekate okaṭakʼ ṭhạ̃i ińren hoṛkoń em akawatʼko onare ińren sanam kharap aḍepase hoṛ do jhãpko emakada. Ona iạte iń do onkoakʼ disạm khon onkoń or totʼ giḍikakoa ar onko tala khon Jihudạren hoṛkoń rakapʼ ạgukoa.

Jirimiạ 25:31

Dhạrti reakʼ ses simạnako hạbicʼ ona reakʼ saḍe do ańjomokʼa, ente Probhu Isor do jạt jạtrenko upạrte mamblae ạguiya. Uni do sanam manwae bicạrkoa ar dusṭạmi hoṛ do tarwaṛeteye gocʼkoa.’ ”

Jirimiạ 49:1

Amonrenko reaṅ Probhu Isor do noa kathae meneda, “Israelren do cetʼ cele hoponge bạnukʼkotaea? Uniyakʼ gujukʼ tayom uniyakʼ sompottiren ạkʼạidạriko do cetʼ celege bạnukʼkoa? Enḍekhan Milkom do Gad gusṭirenkoakʼ ṭhạ̃i do cedakʼe ạidạri akawana? Cedakʼ Milkom sekʼwako do onḍenakʼ nagrahareko berel akana?

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jeheskel 25:8

Probhu Isore menkeda, “Moab ar Seyir dokin meneda, ‘ńelpe, Jihudạren hoṛko do eṭakʼ jạtrenko lekageko hoyakana.’

Jeheskel 34:6

Ińren bhiḍiko do goṭa buru-nalakoreko ạcur baṛaekana. Goṭa dhạrtireko chirchạtur akana; okoehõ onkoakʼ khoj tolas do bako hatao akada.

Jeheskel 35:10

“ ‘Iń Probhu Isor do Israel ar Jihudạre hạjir iń tahẽkanre hõ am dom menetʼkana, niạ banar disạmren hoṛko ar onkoakʼ disạm do apeakʼge hoyokʼa ar ape do onape ạidạrijoṅa.

Jeheskel 36:1

Probhu Isor do ińe metadińạ, “E manwa hopon, Israel reakʼ buruko ṭhen nạbi katha roṛme ar Probhu Isorakʼ noa katha ańjom lạgitʼem metakoa, bạiriko do onko reaṅe menetʼkana, ‘Ah! Mare usul ṭhạ̃iko do aboakʼ dokholre hecʼakana.’

Jeheskel 36:5

Iń Probhu Isorgeń menetʼkana, ińakʼ dugur dugurokʼkan edre iạte eṭakʼ jạtrenko ar sanam Edomrenko upạrte kathań roṛetʼkana, ente onko do goṭa mon reakʼ rạskạte ar nihạ̃t gikʼḍi monte ińakʼ disạm do ạidạri menteko hạtińana; jemon onako ạidạri daṛeakʼ arko luṭ daṛeakʼ. Iń Probhu Isorge noa katha doń menetʼkana.

Jeheskel 38:22

Iń do mahamạri ar mãyãmte Gogiń sạjạiyea; botoranakʼ dakʼ, arel ar jolokʼkan gondhok do uni cetanre, ar uniren lạṛhại phạdko cetanre ar uni soṅgeten sanam jạtrenko cetanreń upʼ gotʼkakʼa.

Jeheskel 39:11

“ ‘Enhilokʼ Gog do Israelko talare mitʼṭecʼ topa ṭhạ̃iyiń emaea. Ona do doreão purub secʼ dãṛãnkoakʼ buru-nalage hoyokʼa. Ar ona do sen paromokʼkan hoṛkoakʼ hore esedtakoa, ente Gog ar uniren sanam phạdko do onḍeko topa ocokʼa. Ona iạte ona do Gogren hoṛkoakʼ buru-nalage hoyokʼa.

Joel 3:12

Probhu Isore meneda, “Jạt jạtrenko doko hoho ạgu ocokʼ ma; onko do Jehosaphat reakʼ buru nalateko sen idikʼma, ente onḍe iń do beṛhaeten sanam jạtrenko bicạrko lạgitʼ iń duṛupʼa.

Joel 3:14

Sạjại reakʼ lodamre ḍher hoṛkoakʼ bhiṛ, hẽ ḍher hoṛkoakʼ bhiṛge hoyakana, ente sạjại reakʼ lodamre Probhu Isorakʼ din do seṭer akana.

Amos 1:11

Probhu Isore meneda, “Edom reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente sanam daya mãyã bạgikate uni do tarwaṛeante acʼren boehako khudạu akadea. Ona chaḍa botoranakʼ edre do onkore ńelokʼkangea ar onako dohoakada.

Mikạ 4:12

Menkhan onko do Probhu Isorakʼgoṭawakʼ reakʼ katha do bako baḍaea; onko do bako bujhạu daṛeakʼkana je, uni do binḍạ leka khạrạire en ko lạgitʼe jarwa akatʼkoa mente.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Johan sodor 16:14

Onko bạṛicʼ jiu do hahaṛa kạmiko kạmikan tahẽkana. Ar sanam daṛean Isorakʼ ona maraṅ dinre lạṛhại lạgitʼ onko do goṭa dhạrtiren rapajko mitʼ ṭhenko jarwaketʼkoa.

Johan sodor 16:16

Ibri pạrsite oka jaega reakʼ ńutum do Harmagedonko metakʼkan, bạṛicʼ jiuko do onko rapajko onḍeko jarwaketʼkoa.

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”

Johan sodor 20:8

Unre uni do goṭa dhạrtire senkate jạt jạtrenko, metakʼme Gog ar Magoge bulạukinạ ar onkin do lạṛhại lạgitʼe jarwakinạ. Ar onko do lekhare jalapuri reakʼ gitil lekako hoyokʼa.