Joel 3:19 - সান্তালী বাইবেল

¹⁹ Menkhan Misor do dhaṅdhaserakʼ ṭhạ̃ige hoyokʼa ar Edom do jarkharakʼ hahaṅkar hoyokʼa, ente Jihudạren hoṛko cetanre santao hoyakana ar onkoakʼ disạmre bin dusạnkoakʼ mãyãm joro ocoakana.

Joel 3:19 Iomraidhean Croise

Sereńko 137:7

E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

Jesaea 11:14

Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.

Jesaea 11:15

Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ.

Jirimiạ 49:17

“Edom reakʼ dosa ńelte hoṛko torasokʼa; ar okoe ona aṛeteko parom calakʼ onko do botor caṛhaoakoa ar uniyakʼ sanam ghạl iạte uniko landa-dhutʼaea.

Jirimiạ 51:35

Sionren hoṛko meneda, “Aleakʼ hoṛmo cetanre oka santao hoyakana ona do Babel cetanre hoyokʼma. Babelre okoeko girobasokʼ kan onko do aboakʼ mãyãm reakʼ dạyiko tahenma.”

Rak̕joṅ 4:21

Us disạmre berel akanicʼ E Edom hoponera am do rạskạ ar hulạsokʼme; menkhan amhõ ona bạṭi dom emocokʼa; am dom ńũ bulokʼa arem uluṅokʼa.

Obodiạ 1:1

Obodiạwakʼ dorson. Edom disạm babotre Probhu Isor do noa kathae roṛetʼkana. Ale do Probhu Isor ṭhen khon mitʼṭecʼ sombatle ańjom akada. Uni do jạt jạtrenko ṭhen mitʼṭecʼ goḍet kolkate noa katha lạlạiye metade tahẽkana, “Dela beretʼpe, Edom upạrte lạṛhại lạgitʼ bon oḍok calakʼa.”

Habakkuk 2:17

Lebanon cetanre oka santaoem calao akatʼ ona do purạtege amre hijukʼa ar onḍenko janwarem gocʼ akatʼkote ńitokʼ do janwarge amko botor ocomea. Am do manwakoakʼ mãyãmem joro ocoakada ar disạm, nagraha ar onḍenko sanam hoṛkom santao akatʼkoa.

Sakariạ 10:10

Misor disạm khon iń do onkoń ruạṛ ạgukoa ar Ạsur khoniń jarwakoa. Gilead ar Lebanonteń ạgukoa ar nunạkʼ hoṛko hoyokʼa, onḍe onkoakʼ jaega do baṅ anṭaokʼa.

2 Thessalonikiko 1:6

Isorakʼ dhorom bicạr do noage, okoe apeko duk ocoyetʼpe uni hõ onkoe duk ocokoa;