Joel 3:18 - সান্তালী বাইবেল

¹⁸ “Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Joel 3:18 Iomraidhean Croise

Jobakʼ 29:6

Ińakʼ taṛam horre toage ạtukʼkan tahẽkana, ar huṭupʼ dhiri khon do jạitun sunum reakʼ jharnage bhumbuk oḍokokʼkan tahẽkana.

Sereńko 46:4

Mitʼṭecʼ gaḍa menakʼa ar ona reakʼ nalako do Isorakʼ nagrahakoe rạskạ ocoyeda, ona sonot ṭhạ̃ikoge okare maraṅ Isorre tahenkan.

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Jesaea 30:25

Enhilokʼ ḍher hoṛko gocʼ ocokʼa ar gaṛko do lạnduṛokʼa unre sanam buru boṭkocʼko khon dakʼko ạtu pheḍokʼa.

Jesaea 35:6

Unre leḍhako do jel hopon lekako don baṛaea, guṅgạ hoṛkoakʼ alaṅ do rạskạteye andoṛa, hahaṅkarre do dakʼ bhumbukokʼa. Ar khaṅkar jaegakore do gaḍa dakʼ ạtukʼa.

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Jesaea 45:8

“E sermako, de coṭ khon dakʼ jạṛipe; E rimilko dhorom jạṛipe. Ot do jhijokʼte bańcaoe janam ocoyma, ar ot do dhorome sagen ocoyma. Iń Probhu Isorge niạ doń sirjạu akada.

Jesaea 55:1

Probhu Isore meneda, “E tetaṅetʼpe hoṛko, dakʼ ṭhen dela hijukʼpe; okoeyakʼ ṭaka poesa bạnukʼtae, uni doe hijukʼma ar kirińkateye ńũiyma. Dela hijukʼpe, darkha rasa ar toa kirińjoṅpe, bin ṭaka poesatege ar bin damtege.

Jesaea 66:11

Ape do nunuipe ar bikʼpe Jerusalem reakʼ bạ̃skin khon asambheṛ oḍokokʼ kan bhạlại reakʼ jomkate tirpitokʼpe.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Sakariạ 14:8

Un jokhecʼ niron din ar rabaṅ dinre Jerusalem khon do heṛem dakʼ ạtu oḍokokʼte adha do purub jalapuri secʼ ar adha do pạchim jalapuri secʼ ạtu calakʼa.

Numeri 25:1

Israel hoponko tinre Siṭim nagraha ṭhenko tahẽkana unre onko do Moabren maejiuko sãoteko laṭghaṭkeda.