Joel 3:11 - সান্তালী বাইবেল

¹¹ E beṛhaeten sanam jạtrenko, ape do usạra hecʼkate jarwakʼpe.” E Probhu Isor, amren daṛean hoṛko baṛe kolkakome.

Joel 3:11 Iomraidhean Croise

Sereńko 103:20

E Probhu Isorren daṛean goḍetko, okoe do uniyakʼpe bataoetʼtae ar uniyakʼ hukumpe manaoetʼkan, ape do uni sarhaoepe.

Jesaea 10:34

Uni do ṭeṅgocʼte bir reakʼ gajaṛkoe maga, ar daṛean mitʼṭen hotete Lebanon reakʼ dareko hõe marao utạra.

Jesaea 13:3

Iń ńutumte begar akan hoṛkoń hukum akatʼkoa; ińakʼ edre dul giḍikakʼ lạgitʼ ińren lạṛhại birkoń hohoakatʼkoa. Ińakʼ mạhima sodor akante onko do rạskạteko gorbokʼ kana.”

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Mikạ 4:12

Menkhan onko do Probhu Isorakʼgoṭawakʼ reakʼ katha do bako baḍaea; onko do bako bujhạu daṛeakʼkana je, uni do binḍạ leka khạrạire en ko lạgitʼe jarwa akatʼkoa mente.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

2 Thessalonikiko 1:7

ar ape okoe dukpe ńametʼ uni do ale sãoteye aosanpea. Probhu Jisu do tinre acʼren daṛean serma goḍetko sãote jolokʼkan seṅgelre serma khone sodorokʼa unrege noako do hoyokʼa. Okoe Isor bako baḍae akade ar Probhu Jisu reaṅ bhage sombat reakʼ katha bako bataoetʼkan unre uni do onkoe sạjạikoa.

Johan sodor 19:14

Sermaren palṭonko do ponḍ sapha musnạ kicricʼ horokʼkate ar ponḍ sadomre decʼkate uni tayom tayomteko calakʼkan tahẽkana.