Joel 2:28 - সান্তালী বাইবেল

²⁸ “Ona tayom iń do sanam hoṛko cetanre ińren Jiu iń dulea. Onate aperen hopon ar hoponerako do nạbi lekate Isorakʼ kathako roṛa, ar aperen haṛam hoṛ do kukmũko ńela ar aperen juạnko hõ dorsonko ńama.

Joel 2:28 Iomraidhean Croise

Kạhtukko 1:23

Ińakʼ ḍanṭaope luturakʼ khan, ińren Jiu do apereń dulkea, ar ińakʼ mon reakʼ kathań baḍae ocokepea.

Jesaea 40:5

Unre Probhu Isorakʼ ṭhonokʼ sodorokʼa, ar manwa jạtren sanamko do mitʼte uniko ńela; Probhu Isorge noako katha doe meneda.”

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 54:13

Amren sanam hoponko do Probhu Isor hoteteko cetʼ ocokʼa ar amren hoponkoakʼ bhạlại hoyokʼa.

Jirimiạ 23:25

“Okoeko nạbi iń ńutumte eṛe kathako roṛetʼkan onkoakʼ katha doń ańjom akatʼgea. Onko doko meneda, ‘iń do mitʼṭecʼ kukmũń ńelakada, mitʼṭecʼ kukmũgeń ńelakada.’

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.

Jeheskel 36:27

Apere ińren Jiu iń bạisạuapea ar nonkań hoyocopea jemon ińakʼ sanam niạmpe manaotiń. Onate ape do ińakʼ ạn-ạṛikope moneyakʼa.

Jeheskel 37:14

Ińren Jiu do apereń emokʼa ar ape dope jiwedokʼa. Ar apeakʼ disạmreń girobas ocopea. Unrepe baḍae daṛeakʼa, iń Probhu Isorge noa katha doń menetʼkana ariń onka akada.’ ”

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”

Daniel 7:1

Babelren raj Beltsasare rajokʼ pạhil bochorre Daniel do acʼakʼ aṭetʼreye giticʼakan tahẽkanre acʼakʼ bohokʼre hecʼen kukmũ ar dorsonkoe ńelkeda ar nokʼõe nonka onako reakʼ guṭtetʼe ol dohokeda. “Ńindạ jokhecʼ iń do dorsonteń ńelkeda, serma reakʼ ponea hoe do mitʼṭecʼ maraṅ jalapuriko uṭlạu rakapʼkeda.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Luk 1:67

Tayomte gidrạren apat Sakariạ do sonot Jiuteye perecʼen khan, nạbi lekate noa katha roroṛe ehopʼena,

Luk 3:6

Manwako kại khon bańcaoko lạgitʼ Isor okae ceka akatʼ, ona do sanam hoṛko ńela.’ ”

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Aposkạmi 21:9

Uniren do ponea kũạ̃ri kuṛiko tahẽkantaea. Ar onko doko nạbi baṛayetʼ tahẽkana.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

1 Samuel 19:20

Niạ katha ańjomkate uni do Dạud sapʼ ạguiye lạgitʼ hoṛkoe kolketʼkoa. Onko hoṛ do senkateko ńelkeda mitʼ dol nạbi do Sạmuel tabere tahẽkate Isorakʼ kathako lạlạikana. Unre Sạulren hoṛko cetanre hõ Isorren jiue hecʼena ar onko hõ nạbi lekate Isorakʼ katha lạlạiko ehopʼen.

1 Samuel 19:21

Sạul do ona kathako baḍae ocokede khan arhõ hoṛe kolketʼkoa menkhan onko hõ senkate nạbi lekate Isorakʼ katha roroṛko ehopʼena. Khan Sạul do tesar dhao arhõ hoṛe kolketʼkoa ar onko hõ nạbi lekate katha roroṛko ehopʼena.

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.