Joel 2:27 - সান্তালী বাইবেল

²⁷ Unrepe baḍae daṛeakʼa, ińge Israelko talare minạńa ar iń kangeạń aperen Probhu Isor do, ar iń do eṭagicʼ doń baṅkana; ińren hoṛ do ar tishõ bako lajao ocokʼa.

Joel 2:27 Iomraidhean Croise

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Kạhtukko 1:23

Ińakʼ ḍanṭaope luturakʼ khan, ińren Jiu do apereń dulkea, ar ińakʼ mon reakʼ kathań baḍae ocokepea.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Jesaea 44:8

Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Jesaea 45:6

Jemon purub khon pạchim secʼren hoṛko baḍae daṛeakʼ, iń chaḍa ar cele Isorge bạnukʼkoa. Ar iń kangeạń Probhu Isor do, eṭagicʼ ar okoehõ bạnugicʼan.

Jesaea 46:9

Sedae reakʼ kathako disạipe. Iń kangeạń Isor do, iń chaḍa eṭakʼ jãhãe ar celege bạnukʼkoa; Iń kangeạń Isor do, Iń leka do ar celege bạnuiya.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jeheskel 37:6

Iń do apeakʼ jaṅko sãote jaṅkoń tolkatapea, ar apeakʼ jelkoń janam ocoya ar hartate onakoń esetʼ ocoya. Ar sahẽtʼ iń emapea arpe jiwedokʼa. Unre ape dope baḍae daṛeakʼa, ińkangeạń Probhu Isor do.’ ”

Jeheskel 39:22

Enhilokʼ khon Israelko doko baḍae daṛeakʼa, ińkangeạń onkoren Probhu Isor do.

Jeheskel 39:28

Unre onko doko baḍae daṛeakʼa, onkoren Probhu Isor doń ińkangea, ente jạt jạtrenko talare bondi dosareń kolletʼko tahẽkanre hõ onko do akoakʼ disạmteń ruạṛ ạgukoa, ar okoehõ bạń bạgi oṭoakoa.

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”

Joel 2:26

Ape do lacʼ bikʼpe joma arpe tirpitokʼa ar aperen Probhu Isorpe sarhaoea one uni ape lạgitʼ hahaṛa kạmikoe kạmi akatʼ; ar ińren hoṛ do ar tishõ bako lajao ocokʼa.

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Sakariạ 2:9

Iń do onko upạrte khạṭige ińakʼ tiyiń tultińạ, onate onkoren gutiko do onkoko luṭkoa.” Ar tinre ona hoyokʼa unrepe bujhạu daṛeakʼa, phạdkoren Probhu Isor do ińgeye kol akadińạ.

Numeri 11:29

Moseye roṛ ruạṛkeda, “Ińakʼ manotge am ṭhen do maraṅena? Ińiń khojogokʼakʼ do noage Probhu Isorren sanam hoṛge jemon nạbiko hoyokʼ ar Probhu Isor do acʼren Jiu onko cetanreye emokʼ.”

Numeri 23:21

Uni do Jakobre cetʼ ghạṭge bae ńel akada, ar Israelkoakʼ bhạgre jãhãn dukge bae dohoakada. Onkoren Probhu Isor do onko sãorege menaea, ar onkoren rajakʼ sạhnạs do onko ṭhenge menakʼa.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Dosar Biboron 23:14

Ape rukhiyạpe lạgitʼ ar aperen bạiriko apeakʼ tire soprotko lạgitʼ aperen Probhu Isor do apeakʼ ḍera talareye dãṛãna. Onate apeakʼ ḍera do sonotpe dohoya jemon ape talare hirkhạwakʼ jãhãnakʼ ńelte aloe dea giḍipe.

1 Patras 2:6

Sonot sostorre ol menakʼa, Ńelpe, mitʼṭecʼ damanakʼ dhiriń bachao doho akawana; ona do Sion reakʼ konac dhiri lekateń, bạisạu akada. Ar okoe unireye pạtiạukʼ uni do oka lekate hõ bae lajao ocokʼa.

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.