Joel 2:26 - সান্তালী বাইবেল

²⁶ Ape do lacʼ bikʼpe joma arpe tirpitokʼa ar aperen Probhu Isorpe sarhaoea one uni ape lạgitʼ hahaṛa kạmikoe kạmi akatʼ; ar ińren hoṛ do ar tishõ bako lajao ocokʼa.

Joel 2:26 Iomraidhean Croise

Genesis 33:11

Isor do ạḍiye daya akawạdińa, ar ińakʼ do ḍherge menakʼtińạ. Ona iạte okaṭakʼ daniń ạguakatʼ ona do dayakate hataome.” Jakob nonkae nehõren khan Esau do onkoe ataṅketʼkoa.

Nehemiạ 9:25

Onko do pạcrite esetʼ ḍher nagraha ar bhage jumikoko dokholana; ar bhage bhage jiniste perecʼ oṛakʼ-duạr ar benao ṭhikakʼ kuńko, darkha bagwanko, jạitun bagwanko ar ạḍi utạr jo teakʼ dareko ạidạriana. Onko do jomkateko tirpitena arko moṭayena ar amakʼ maraṅ bhạlạiteko hesecʼ sekrecʼlena.

Sereńko 103:5

Ar bhạlạiyanakʼ jiniskote uni doe tirpit ocoyetʼmea; uni do pajhaṛ cẽṛẽ leka nãwã juạn umere danama.

Sereńko 116:7

E ińakʼ jiwi, arhõ khạtirokʼme, ente Probhu Isor do ḍhergeye bhạlại akatʼmea.

Sereńko 13:6

Probhu Isorgeye bhạlại akadińạ, onate uni ńutumteń sarhao sereńa.

Sereńko 22:26

Mạ̃hir hoṛ doko jom bikʼa arko tirpitokʼa; okoe Probhu Isorakʼ sana lekako calakʼ onko do uniko sarhaoea. Onko do jaejug hạbicʼ jiwetʼko tahen ma.

Sereńko 37:19

Dukokʼ dinre onko do lajaore bako paṛaokʼa; ar akal dinkore onko do jomakʼko ńama.

Sereńko 67:5

E Isor, jạt jạtrenko do amko sarhaomema; sanam jạtrenkoge onako onkaema.

Sereńko 72:18

Probhu Isor, okoe doe Israelkoren Isorkan, uniyakʼge sarhao hoyokʼtae ma; eken unige hahaṛawakʼkoe kạmikana.

Kạhtukko 13:25

Isor botorae hoṛko do lacʼ bikʼko joma, menkhan bedhoromko do lacʼ bikʼ jom bako ńama.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Jesaea 25:1

E Probhu, am kangeam ińren Isor do; iń do amgeń sarhaomea ar amakʼ ńutumgeń õṛhẽytama. Oka hahaṛawakʼ kạmiko ḍher din khonem goṭa akatʼ ona do amge purạ pạtiạr salakʼem kạmi akada.

Jesaea 29:22

Ona iạte Abrahamren babańcaoicʼ Probhu Isor do Jakobakʼ bõs babotreye meneda, “Jakob do ar bae lajao ocokʼa; uniyakʼ mẽtʼãhã do ar baṅ mulinokʼtaea.

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 54:4

Alom botorokʼa, ente am do bam lajao ocokʼa. Ar alom andesalekʼa, ente bam nak kaṭakʼa. Amakʼ juạn okte reakʼ lajao dom hiṛińa ar amakʼ rạnḍi jokhecʼ reakʼ durnam hõ bam disạitama.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Levitikus 25:19

Unre ape do jumi khon purạ phosolpe ńama ar lacʼ bikʼpe jomte khạtirjomape tahena.

Levitikus 26:26

Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Levitikus 26:5

Unre apeakʼ guhum enokʼ reakʼ din do darkha jo god hạbicʼ hoyokʼtapea ar darkha jo god do erokʼ din hạbicʼ hoyokʼtapea. Unre ape do lacʼ bikʼpe joma ar disạmre khạtirjomape tahena.

Mikạ 6:14

Ape dope jomgea menkhan bape bikʼa; lacʼre reṅgecʼ do tahengetapea. Apeakʼ jinisko mitʼ ṭhạ̃i khon eṭakʼ ṭhạ̃itepe idiygea menkhan cetʼge bape rukhiyạ daṛeakʼa, ar thoṛape rukhiyạ daṛeakʼ khan hõ ona do lạṛhạiteń marao giḍikatapea.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Sakariạ 9:15

Phạdkoren Probhu Isor do onkoe rukhiyạkoa. Onate onko do bạirikoko maraokoa ar onkoakʼ bạṭul reakʼ dhiriko do jaṅgateko lebetʼ gańjaoa. Onko do darkha rasako ńũiya ar bul hoṛ lekako andoṛa; pinḍ reakʼ konacre mãyãm coḍor leka onko do ḍher mãyãmko joro ocoya.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Romiko lạgitʼ Pạul Apostolakʼ ciṭhi 10:11

Sonot sostorreye meneda, “Jãhãege unireye pạtiạukʼ uni do bae lajao ocokʼa.”

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

Dosar Biboron 11:15

Probhu Isor do aperen palren janwarko lạgitʼ ghãsko ṭạnḍireye janam ocoya. Ona chaḍa ape hõ lacʼ bikʼpe joma.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Dosar Biboron 8:10

“Onḍe do jom-ńũkatepe tirpitokʼa ar aperen Probhu Isorakʼ emakʼ ona mońj disạm lạgitʼ unipe sarhaoea.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.