Joel 2:23 - সান্তালী বাইবেল

²³ E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

Joel 2:23 Iomraidhean Croise

1 Rapajko 8:36

enḍekhan am do serma khon ona ańjomtakome ar amren gutiko, metakʼme amren hoṛ Israelkoakʼ kạiko ikại takome. Ar jionre ṭhik leka calakʼ reakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ocoyme.

Jobakʼ 33:23

“Mitʼṭen serma goḍet uni lạgitʼe tahen, hajar goḍetko talare mitʼṭen roṛ dodokʼicʼe tahen uni lạgitʼ okaṭakʼ ṭhikkan ona jạhirae lạgitʼ,

Jobakʼ 37:13

Manwa sạjại emako lạgitʼ se uniyakʼ dhạrtire dakʼ emakʼ lạgitʼ, se acʼakʼ dulạṛ udug lạgitʼ uni do jạṛi dakʼe emetʼ kana.

Sereńko 104:34

Ińakʼ sanam ganḍonjoṅakʼ do jemon sebele bujhạu; iń do Probhu Isorregeń rạskạkʼ kana.

Sereńko 147:8

Uni do rimilte sermae esetʼeda; ar dhạrti lạgitʼ dakʼe koleda ar burure ghãse janam ocoyeda.

Sereńko 149:2

Israel do acʼren sisirjạuicʼ iạteye rạskạkʼma, Sionren hoṛko do onkoren raj iạteko kusikʼma.

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Sereńko 32:11

E Isor botoraekan hoṛko, Probhu Isorge aperen rạskạwạnicʼe hoyokʼma, uni iạtege ape do kusikʼpe; ar ontorre okoepe khạṭige, ape sanamkoge hulạsate sereńpe.

Sereńko 84:6

Onko do rakʼjoṅ lodam talate calakʼ jokhecʼ ona jaega do dakʼ jharnako hoyocoyeda; ar laha dakʼ do borkot iạte onae perecʼeda.

Kạhtukko 16:15

Rajakʼ mẽtʼãhã kharsalen khan jiwi bańcaokʼa; uniyakʼ daya do sãwãe reakʼ dakʼ rimil lekage.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Jesaea 30:23

Uni dor dakʼe kolapea jemon otre itạpe er daṛeakʼ ar jumi khon oka phosolpe ńam ona do mońj ar purṭhạge hoyokʼa. Enhilokʼ aperen ạsul janwarko do maraṅ maraṅ ạtiń ṭạnḍireko ạtińa.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jirimiạ 5:24

Onko do mone monete hõ bako mena, ‘dela, aboren Probhu Isor bon botorae ma, ente uni do jao okte lolo ar rabaṅ dinreye dakʼ abon kana, ar phosol irokʼ jokhecʼ hõ jaogeye rukhiyạyetʼ bona.’

Rak̕joṅ 4:2

Sionren soros soros hoponko okoe do sona tulucʼko tulnikʼ; ńitokʼ do hasa bhajan lekako lekhakʼ kana.

Jeheskel 34:26

Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

Sakariạ 10:1

Niron din reakʼ dakʼ lạgitʼ Probhu Isor metaepe; unige dakʼ reakʼ rimilkoe benaoeda. Uni do hoṛe dakʼako kana ar sanamkoakʼ khetre phosole omon ocoyeda.

Sakariạ 10:7

Eprayimrenko do daṛean hoṛ lekako hoyokʼa, onkoakʼ ontor do darkha rasa ńũ akatʼ leka kusikʼtakoa. Ona ńelte onkoren hopon ar hoponerako doko hulạsokʼa; onkoakʼ ontor do iń iạte rạskạkʼtakoa.

Sakariạ 9:13

Jihudạ do akʼ leka ar Ephrayim do sar lekań beoharea. E Sion, iń do amren hoponko Grecce disạmren hoponko upạrteń uskạukoa ar am do lạṛhại reakʼ tarwaṛe lekań hoyocomea.”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Aposkạmi 14:17

menkhan enhõ uni do jao okte acʼ reaṅ gohae emakada. Ente uni do serma khon dakʼe emokʼkana ar okte nạpitre phosole dan abonkante dayae udukʼape kana. Uni do asambheṛ jomakʼe dan apekante apeakʼ mon do rạskạteye perecʼetʼtapea.”

Dosar Biboron 11:14

Arpe onkae khan Probhu Isor do okte nạpitre, apeakʼ disạmre dakʼe kola ar onate ḍher anaj, darkha jo ar sunumpe ńama.

Dosar Biboron 28:12

“Apeakʼ disạmre okte nạpitre dakʼkoe kolte apeakʼ sanamakʼ kạmiko lạgitʼ Probhu Isor do acʼakʼ murại khon, metakʼme sermae jhicʼapea. Onate aema jạtrenko rinpe emakoa, menkhan ape do okoe ṭhen khon hõ rin bape hataoa.

Dosar Biboron 32:2

Ińakʼ cecetʼakʼ do jạṛi dakʼ leka ńurokʼma, ińakʼ katha do sisir dakʼ leka rińjikʼma. Legecʼ ghãs cetanre poroe poroe dakʼ leka, ar aṛakʼ sakamko cetanre achaṛ dakʼko lekage.

Philipiko lạgitʼ Pạul apostolakʼ ciṭhi 3:1

E ińren boehako, mucạtʼreń meneda, Probhu Isor tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.