Joel 2:22 - সান্তালী বাইবেল

²² E ṭạnḍiren janwarko, alope botorokʼa, ente ạtiń ṭạnḍi do hạriạ̃ṛ akana. Darekore jo hõ sapʼakana; loa dare ar darkha nạ̃ṛĩ hõ ḍher jo akana.

Joel 2:22 Iomraidhean Croise

Genesis 4:12

Jumi dom casgea menkhan ḍher phosol do baṅ hoyokʼtama. Ar uḍạcal hoṛ leka dhạrtirem ạcur baṛaea.”

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

Sereńko 65:12

Ona do jhurokʼkana janwarkoakʼ ạtiń ṭạnḍikore; ar buru lodamre do rạskạ reakʼ sajge menakʼa.

Sereńko 65:13

Mitʼke mitʼ ṭạnḍi do bhiḍi palkote perecʼ akana, ar buru nala do anajkote dalopʼ akana; onako do hulạsteko hohoyeda arko sereńeda.

Sereńko 67:6

Ot do acʼakʼ phosole em akana; Isor, aboren Isor do, aboe bhor akawatʼbona.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Jeheskel 36:30

Iń do dare reakʼ jo ar khet reakʼ phosolkoń baḍhao ocoytapea jemon akal khạtirte jạtrenko talare alope bemanot ocokʼ.

Jeheskel 36:35

Onko doko mena, noa disạm do lahate maraolen tahẽkana, menkhan ńitokʼ ona do Eden bagwan leka hoyakana; ona reakʼ nagrahako do maraoakʼ, ujạṛakʼ ar jarkharakʼ hoylena, menkhan ńitokʼ do pạcrite esetʼ ar ḍerakʼ ṭhạ̃ige hoyakana.

Jeheskel 36:8

“ ‘Menkhan E Israel reakʼ buruko, ape do apeakʼ dare reakʼ ḍạrkope kahle oḍok ocoyte ińren hoṛ Israelko lạgitʼ ḍher jope jokʼa, ente onko do usạratege oṛakʼteko ruạṛ hijukʼa.

Jona 4:11

Menkhan Niniwire mitʼ lakh bargel hajar khon hõ bạ̃ṛti gidrạ menakʼkoa onko do bako baḍaea okaṭakʼ do jojomti ar okaṭakʼ do leṅga ti kana mente; ona chaḍa ḍher ḍaṅgra ar bhiḍiko hõ menakʼkoa. Enḍekhan iń do cetʼ iń cekaea? Iń do cetʼ ona maraṅ nagraha lạgitʼ bạń mãyãkʼa?”

Hagae 2:16

Jãhãege tinre bargel mon phosol ṭhiki ṭhene hijukʼkan tahẽkan uni do eken gel mone ńametʼ tahẽkana. Jãhãe mõṛẽgel liṭar darkha rasa hatao lạgitʼ darkha rasa reakʼ jala ṭhene hijukʼkan tahẽkan uni do eken bargel liṭar sunume ńametʼ tahẽkana.

Sakariạ 8:12

Ńitokʼ do itạ khon dare do mońjtege harakʼa, ar darkha nạ̃ṛĩre jo sabokʼa, khetre phosol janamokʼa ar noko jạtren jiwetʼ tahen hoṛko do iń emakʼ ạidạri lekate jotowakʼko ńama.

1 Korinthiko 3:7

Onate rohoeyicʼ hõ cele hoẽ baṅkana ar dakʼ emakʼicʼ hõ baṅ, menkhan okoeye hara ocoyetʼ uni do Isorge.